بۇل تۋرالى ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتى باسشىسىنىڭ ءبىرىنشى ورىنباسارى ءبىرجان حايرۋللين ايتتى, دەپ حابارلايدى Egemen.kz.
اقتاۋ قالاسىنداعى 26 جەكە بالاباقشانىڭ ديرەكتورى بىرىگىپ, 1 000 تەڭگەدەن جيناپ, اقتاۋ قالالىق ءبىلىم ءبولىمىنىڭ باسشىسىنا جالپى سوماسى 40 مىڭ تەڭگەگە ساۋدا ۇيىنەن سەرتيفيكات پەن تورت سىيلاعان.
«بۇل جاعداي تۋرالى ءبىلىم ءبولىمىنىڭ باسشىسى ءوزى حابار بەرگەن. لاۋازىمدى تۇلعاعا سىيلىق بەرۋگە ارەكەتتەنگەن 25 بالاباقشا ديرەكتورى ءوز ءىس-ارەكەتتەرىن بىردەن مويىندادى. ولارعا قاتىستى قر اقبك 676-بابىنا سايكەس اكىمشىلىك حاتتاما جاساقتالىپ, ارقايسىسى 345 000 تەڭگە ايىپپۇل تولەدى. ءبىر ديرەكتور بۇل ارەكەتىن مويىنداماعاندىقتان اكىمشىلىك ءىس سوتتا قارالىپ, ديرەكتور كىنالى دەپ تانىلدى. ول 483 000 تەڭگە ايىپپۇل تولەدى», دەدى ءبىرجان حايرۋللين قوعامدىق كوممۋنيكاتسيالار الاڭىندا وتكەن بريفينگ بارىسىندا.
وسى ورايدا سىبايلاس جەمقورلىققا قارسى قىزمەت مەملەكەتتiك قىزمەتشiنiڭ وزiنە باعىنىستى تۇلعالاردان قانداي دا ءبىر سەبەپتەرiنە قاراماستان سىيلىق قابىلداۋعا قۇقىعى جوق ەكەنىن قاتاڭ ەسكەرتتى.