شىعىس قازاقستان وبلىسىندا ەر ادام سۋعا باتىپ كەتتى

توتەنشە جاعدايلار مينيسترلىگى ۇسىنعان اقپاراتقا سايكەس, 1983 جىلى تۋعان ازامات دوستارىمەن بىرگە سۋ قويماسىنا بارىپ, تىيىم سالىنعان بەلگىنى ەلەمەگەن. وبلىستىق تجد جەدەل-قۇتقارۋ جاساعىنىڭ سۇڭگۋىرلەرى باتىپ كەتكەن ادامنىڭ ءمايىتىن سۋدان الىپ شىقتى. «تىيىم سالىنعان بەلگىلەر - ادامداردىڭ قاۋىپسىزدىك شاراسىن ساقتاۋى ءۇشىن بەرىلگەن اقپارات. ولار كۇشتى اعىن, تەرەڭ ءيىرىم, جاقىن جەردە قۇتقارۋشىلاردىڭ جوق ەكەنى تۋرالى حابارلايدى», دەدى شقو تجد باستىعىنىڭ ورىنباسارى ارمان توقانوۆ.