بۇگىن سەمەي قالاسىندا اۆتوبۋس ورتكە وراندى, دەپ حابارلايدى Egemen.kz.
الەۋمەتتىك جەلىدە ورتەنىپ جاتقان اۆتوبۋس بەينەلەنگەن ۆيدەو تارادى.
ء«بارى امان. جولاۋشىلار شىعىپ ۇلگەردى. ءورت سوندىرۋشىلەر تەز جەتتى», دەدى كۋاگەرلەر.
سەمەيدەگى شۇعاەۆ كوشەسىندە اۆتوبۋس ورتەنگەنى تۋرالى حابارلاما «101» پۋلتىنە ساعات 8:50-دە ءتۇستى.
«وقيعا ورنىنا جەتكەن قۇتقارۋشىلار 2013 جىلعى «پاز» قوعامدىق كولىگىنىڭ قوزعالتقىش بولىكتەرى, اسپاپتىق پانەل, سالونداعى ورىندىقتاردىڭ جانىپ كەتكەنىن انىقتادى. ءورت اۋماعى 20 شارشى مەتردى قۇرادى. جالىن مۇمكىندىگىنشە تەز ءسوندىرىلدى. ءورتتىڭ الدىن الا سەبەبى - قاۋىپتىلىگى جوعارى قوندىرعىعا ابايسىز قاراۋ», دەپ حابارلادى اباي وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى قايتىس بولعاندار مەن زارداپ شەككەندەر جوق ەكەنىن قوسا ايتتى.