قازاقاستاندا جىل باسىنان بەرى قوس ازاماتتىعى بار 233 ادام انىقتالدى. بۇل تۋرالى قر ۇقك شەكارا قىزمەتى مالىمدەدى, دەپ حابارلايدى Egemen.kz ۇلتتىق قاۋىپسىزدىك كوميتەتىنە قاراستى شەكارا قىزمەتىنىڭ ءباسپاسوز قىزمەتىنە سىلتەمە جاساپ.
جىل باسىنان بەرى شەتەلدىكتەر (ينديا, نيگەريا, تاجىكستان, وزبەكستان جانە رەسەي ازاماتتارى) مەن قر ازاماتتارىنىڭ جاساندى جانە وزگە ادامنىڭ قۇجاتتارىن پايدالانۋدىڭ 150 فاكتىسى اشكەرەلەنگەن.
«قوس ازاماتتىعى بار 233 ادام انىقتالدى. جالپى سوماسى 2,5 ملرد بولاتىن 300-دەن استام زاڭسىز ۆاليۋتا اينالىمىنىڭ الدى الىندى», دەلىنگەن رەسمي حابارلامادا.
قر ۇقك بۇعان قوسا قارۋ-جاراق پەن وق-دارىلەردى وتكىزبەك بولعان 153 ارەكەتتىڭ جولى كەسىلگەنىن ايتتى.
«بۇل قىلمىستار بويىنشا كۇدىكتىلەر ءارى قاراي تەكسەرۋ ءۇشىن ءىىم مەن مكد اۋماقتىق بولىمشەلەرىنە تاپسىرىلدى», دەلىنگەن قر ۇقك ءباسپاسوز قىزمەتى حابارلاماسىندا.
ودان بولەك, قازاقستاننىڭ كوشى-قون زاڭنامالارىن بۇزعانى ءۇشىن 8 مىڭنان استام ادام اكىمشىلىك جاۋاپكەرشىلىككە تارتىلدى.