گەرالديكا ورتالىعىنىڭ قۇرىلعانىنا ەكى جىل تولدى

وسى ارالىقتا اتالمىش ورتالىق 2007 جىلى 4 ماۋسىمدا قابىلدانعان قازاقستان رەسپۋبليكاسىنىڭ «مەملەكەتتىك رامىزدەرى تۋرالى» زاڭ جانە 2011 جىلى 15 جەلتوقساندا  قابىلدانعان «QAZAQSTAN رەسپۋبليكاسى ۇكىمەتىنىڭ قۇرلىمىنا كىرەتىن كەيبىر مەملەكەتتىك ورگانداردىڭ ۆەدومستۆولىق ناگرادالارى تۋرالى» قاۋلىسىن نەگىزگە الىپ مەملەكەتكە قىزمەت كورسەتىپ كەلەدى.

وتاندىق گەرالديكا مەكەمەسىنە قازاق گەرالديكاسىنىڭ ارعى-بەرگى تاريحىن زەرتتەۋ, مەملەكەتتىك رامىزدەر مەن گەرالديكالىق بەلگىلەردى ناسيحاتتاۋ جانە ولاردى قولدانۋدىڭ نورماتيۆتىك قۇقىقتىق جۇيەسىن باقىلاۋ, ۆەدومەستۆولىق جانە ولارعا تەڭەستىرىلگەن وزگە دە ناگرادالاردىڭ گەرالديكالىق سيپاتتاماسىن جەتىلدىرۋ, زاڭدى جانە جەكە تۇلعالاردىڭ مەملەكەتتىك رامىزدەرگە قۇقىقتىق اكتىلەر اياسىندا قۇرمەتپەن قاراۋىن قامتاماسىز ەتۋ مىندەتتەرى جۇكتەلىپ وتىر.

سونىمەن قاتار جەرگىلىكتى اتقارۋشى ورگاندارعا مەملەكەتتىك رامىزدەر مەن گەرالديكالىق بەلگىلەردى قولدانۋ جانە ناسيحاتتاۋ جونىندە كونسۋلتاتسيالىق ءھام ادىستەمەلىك كومەك كورسەتۋ – ورتالىق جۇمىسىنىڭ باستى باعىتى. سول سەبەپتى ورتالىققا مەملەكەتتىك ماڭىزعا يە ۆەدومستۆولىق ناگرادالاردىڭ گەرالديكالىق سيپاتتاماسىن جەتىلدىرۋ جونىندە ۇسىنىس ازىرلەۋ فۋنكتسيالارىن جۇزەگە اسىرۋ مىندەتى جۇكتەلدى.

جوعارىدا اتاپ وتكەن مىندەتتەر مەن ماقساتتى ورىنداۋ ءۇشىن ورتالىق قۇرىلعان كۇننەن باستاپ كوپتەگەن مادەني-رۋحاني ءھام ناسيحاتتىق شارالاردى اتقارىپ كەلەدى. ەڭ اۋەلى ايتارىمىز: ورتالىق 2021 جىلى «قازاق گەرالديكاسى» اتتى تانىمدىق كىتاپ باسىپ شىعاردى. بۇل تۋىندىدا, ۇلى دالانىڭ سانىنە اينالعان جارتاس تاڭبالارى (پەتروگليف) مەن جازبالارىن (يروگليف) ەجەلگى دالالىقتار گەرالديكاسىنىڭ باستاۋى جايلى, سونداي-اق گەرالديكا عىلىمىنىڭ سالالاس بولىكتەرى – سيمۆولدىق بەينەلەر مەن ەمبلەمالار, ونوماستيكا, گەنەولوگيا, نۋميزماتيكا, پالەوگرافيا, cفراگيستيكا جايلى تۇسىنىكتەر بەرىلدى.

وتكەن جىلى مەملەكەتتىك رامىزدەردىڭ 30 جىلدىق داتاسىنا وراي ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى «مەملەكەتتىك رامىزدەر جانە جاڭا قازاقستاننىڭ ەلشىلدىك الەۋەتى» رەسپۋبليكالىق عىلىمي-پراكتيكالىق كونفەرەنتسياسىن ۇيىمداستىرىپ, مەملەكەتتىك مەكەمەلەرمەن, باق وكىلدەرىمەن, ءتۇرلى دەڭگەيدەگى قوعامدىق ۇيىمدارمەن بىرلەسە وتىرىپ, ءپاتريوتيزمدى, وتانسۇيگىشتىكتى ناسيحاتتايتىن, رامىزدەردى قۇرمەتتەۋگە شاقىراتىن قوعامدىق شارالار ءوتتى.

اتاپ وتەر بولساق, وتكەن جىلدىڭ العاشقى جارتى جىلدىعىندا 2 عىلىمي-پراكتيكالىق كونفەرەنتسيا, 1 رەسپۋبليكالىق فورۋم, رامىزدەر تاريحىنان سىر شەرتەتىن 3 تانىمدىق-كوشپەلى كورمە وتكىزىلدى. سونىمەن قاتار مەملەكەتتىك رامىزدەردى ناسيحاتتاۋ, قادىر-قاسيەتىن قوعامعا ءتۇسىندىرۋ ماقساتىندا ءتۇرلى مەملەكەتتىك مەكەمەلەر جانە قوعامدىق ۇيىمداردىڭ قاتىسۋىمەن ەلتاڭبا اۆتورى, پروفەسسور, ساۋلەتشى ج.مالىبەكوۆپەن 9 كەزدەسۋ ۇيىمداستىردى. جالپى سانى 15 ءىس-شارا ۇيىمداستىرلىپ, ولارعا 2000-عا جۋىق ادام قاتىسقان.

مەملەكەتتىك رامىزدەرگە دەگەن حالىقتىڭ قۇرمەتىن ارتتىرۋ ءۇشىن اقپارات قۇرالدارىنىڭ اۋلەتىن پايدالانۋ دا اسا ماڭىزدى. وسىعان وراي گەرالديكالىق زەرتتەۋلەر ورتالىعى مەملەكەتتىك تەلەارنالار مەن بەلگىلى گازەتتەر, ينتەرنەت پورتالداردا 21 سۇحبات, 17 ماقالا, 2 ارنايى باعدارلاما (حابار, «اباي تۆ»), ءبىر ءباسپاسوز ءماسليحاتى وتكىزىلىپ, جاريالاندى. ورتالىقتىڭ فەيسبۋك جانە ينستراگرام جەلىسىندەگى پاراقشالارىندا ءتۇرلى بەينەروليكتەر مەن مەملەكەتتىك رامىزدەردەردى ناسيحاتتاۋعا ارنالعان ماتەريالدار تۇراقتى تۇردە جاريالانىپ تۇردى. وسىلاردىڭ ىشىندە ەڭ ماڭىزدىسى 2022 جىلى 12 شىلدە كۇنى «قازاق گەرالديكاسى» كىتاپ-البومى ۇلتتىق اكادەميالىق كىتاپحاناعا تابىستالدى. ورتالىق ءوزىنىڭ قۇرلىمدىق مىندەتى مەن قوعامدىق ماقساتىن كوپشىلىككە تانىستىرۋ ءۇشىن «تاڭبالار ءتىلى» اتتى عىلىمي-تانىمدىق جۋرنال شىعارۋدى قولعا الدى. وتكەن جىلى ەكى سانى جارىق كورسە, بيىلعى جىلى العاشقى سانى شىعىپ جاتىر.

مەملەكەتتىك رامىزدەرىمىزدىڭ 30 جىلدىعى مەن بالالار جىلىنا وراي اۋىل, اۋدان مەكتەپ وقۋشىلارى اراسىندا, ينستاگرام الەۋمەتتىك جەلىسىندە رامىزدەرگە ارنالعان «رامىزدەر – اروجدانىم, ايبىنىم!» اتتى ولەڭدەر وقۋ بايقاۋىن جاريالادى. بايقاۋعا اۋداندىق جانە اۋىلدىق مەكتەپتەردە وقيتىن 6-17 جاس ارالىعىنداعى  50-60 مەكتەپ وقۋشىلارى قاتىستى. مۇنداعى ماقسات – وقۋشىلار اراسىندا مەملەكەتتىك رامىزدەردىڭ قادىر-قاسيەتىن ۇعىندىرىپ, پاتريوتتىق سەزىم, ۇلتتىق ماقتانىش, وتانسۇيگىشتىك سانانى جاستار بويىنا دارىتۋ بولاتىن. بايقاۋعا قاتىسۋشىلار مەملەكەتتىك رامىزدەردى قولدانا وتىرىپ تۋ, ەلتاڭبا, ءانۇران تاقىرىبىنا قاتىستى ولەڭ وقىپ, 1 مينۋتتىق ۆيدەو ءتۇسىرىپ ءوزىنىڭ ينستاگرام جەكە پاراقشاسىنا جۇكتەدى.

سونداي-اق, گەرالديكالىق زەرتتەۋلەر ورتالىعىنىڭ ۇيىمداستىرۋىمەن استانا قالاسىنداعى ۇلتتىق اكادەميالىق كىتاپحاناسىندا مەملەكەتتىك رامىزدەردىڭ  30 جىلدىعىنا وراي «مەن قازاقتىڭ بالاسى» جاس اقىندار اراسىندا ايتىس ءوتتى. حالقىمىزدىڭ مۇقالماس رۋحىن, قاھارماندىعى مەن دانالىعىن جەتكىزەتىن قۇندى بەلگى مەملەكەتتىك رامىزدەردى ۇلىقتاۋعا ارنالعان ايتىسقا رەسپۋبليكالىق جاستار ايتىسىنىڭ باس جۇلدەگەرى ايان نيازبەك, رەسپۋبليكالىق ستۋدەنتتەر ايتىسىنىڭ جۇلدەگەرى ەرداۋلەت ىبىراەۆ, رەسپۋبليكالىق جاس اقىندار ايتىسىنىڭ ارنايى جۇلدەگەرى نۇرتىلەۋ تولەنبەك, رەسپۋبليكالىق جاستار ايتىسىنىڭ 3-ورىن يەگەرى نۇرداۋلەت ومىربەكوۆ, رەسپۋبليكالىق ستۋدەنتتەر ايتىسىنىڭ ارنايى جۇلدەگەرى ەرداۋلەت ىبىراەۆ, قوسشى قالاسى جاستار اراسىندا وتكەن «التىن دومبىرا» ايتىسىنىڭ ءبىرىنشى ورىن يەگەرى اقبوتا ماناربەكقىزى سىندى جاس اقىندار قاتىستى.

ال ۇستىمىزدەگى جىلدىڭ العاشقى توقسانىندا اتقارىلعان ءىس-شاراعا توقتالار بولساق, مەملەكەتتىك رامىزدەردى ناسيحاتتاۋ ءبولىمى گەرالديكالىق زەرتتەۋلەر ورتالىعى رەسمي يۋتۋب كانالىنا مەملەكەتتىك تۋدى تاريح ارقىلى قوعامعا قادىر-قاسيەتىن ءتۇسىندىرۋ ماقساتىندا اقىن, جازۋشى, جىرشى, ماناسشى, «قۇرمەت» وردەنىنىڭ يەگەرى ب. الىمجانمەن باتىرلار تۋلارى تۋرالى سۇحبات الىندى. كەلەسى كەزەكتە, 13 اقپان مەن 1 ناۋرىز ارالىعىندا, مەكتەپ وقۋشىلارى اراسىندا مەملەكەتتىك رامىزدەردىڭ قادىر-قاسيەتىن دارىپتەيتىن كرەتاتيۆتى ۆيدەو-روليك بايقاۋىن ۇيىمداستىردى. بايقاۋ گەرالديكالىق زەرتتەۋلەر ورتالىعىنىڭ ينستاگرام رەسمي پاراقشاسىندا جۇرگىزىلدى. بايقاۋعا 50 وقۋشى قاتىستى. الداعى ۋاقىتتا مۇنداي شارالار كۇن تارتىبىندە تۇر.