ءۇندىستاننىڭ حالىق كوپ تۇراتىن ەكى شتاتىندا سوڭعى بىرنەشە كۇندە 96 ادام كوز جۇمدى, قازىر بۇكىل ەل اپتاپ ىستىقتان زارداپ شەگىپ وتىر. ۋتتار-پرادەش پەن بيحار شتاتتارىندا اۋا تەمپەراتۋراسى 45°C-قا دەيىن كوتەرىلدى, دەپ حابارلايدى Egemen.kz The Guardian سايتىنا سىلتەمە جاساپ.
ءولىم-ءجىتىم سولتۇستىك ۋتتار-پرادەش شتاتى مەن شىعىس بيحار شتاتىندا كوپ تىركەلگەن, بيلىك اتالعان شتاتتاردىڭ 60 جاستان اسقان تۇرعىندارىنا جانە ءارتۇرلى اۋرۋلاردان زارداپ شەگەتىن باسقا دا ادامدارعا كۇندىز ۇيدەن شىقپاۋ كەرەكتىگىن ەسكەرتتى.
ۋتتار-پرادەش شتاتىنىڭ بالليا اۋدانىندا 54 ادام قايتىس بولدى. بيلىك وكىلدەرىنىڭ ايتۋىنشا, كوز جۇمعان ادامداردىڭ باسىم بولىگى 60 جاستان اسقان.
بالليا اۋدانىنىڭ مەديتسينا قىزمەتكەرى س.ك.ياداۆ سوڭعى ءۇش كۇندە اۋداندىق اۋرۋحاناعا اپتاپ ىستىق سالدارىنان بۇرىنعى دەرتى اسقىنعان 300-گە جۋىق ناۋقاس تۇسكەنىن ايتتى.
اۋىر جاعدايعا بايلانىستى بيلىك جەدەل جاردەم بولىمىندەگى توسەك سانىن كوبەيتتى.