الماتىداعى № 2 جەو-دان شىققان كۇل-قوج قالدىقتارى قالا باسشىلارى مەن ەكولوگتار ءۇشىن تۇيتكىلدى ماسەلەلەردىڭ بىرىنە اينالىپ كەتكەن ەدى. ەندى وسى ماسەلە شەشىمىن تاپپاق. ا.جاقۇتوۆ اتىنداعى №2 جەو-دا كۇل-قوج قالدىقتارىن قايتا وڭدەۋ جونىندە كونكۋرس جەڭىمپازى ماراپاتتالدى. ءىس-شارا الماتى قالاسى اكىمدىگى مەن الماتى قالاسى بويىنشا ەكولوگيا دەپارتامەنتى, باق, «Arka Development» جشس, «الماتى ەلەكتر ستانتسيالارى» اق وكىلدەرىنىڭ قاتىسۋىمەن ءوتتى, دەپ حابارلايدى Egemen.kz.
ەستەرىڭىزگە سالا كەتەيىك, 2023 جىلدىڭ 1 ماۋسىمىندا «الەس» اق الماتى جەو گيدركۇل-قوج قالدىقتارىن قايتا وڭدەۋ جانە كادەگە جاراتۋ جونىندەگى عىلىمي-تەحنيكالىق جوبالاردى ىزدەستىرۋ كونكۋرسىن قورىتىندىلاعان بولاتىن. كونكۋرسقا جەتى ءوتىنىم كەلىپ تۇسكەن. ونىڭ قۇرامىنا اكىمدىكتىڭ, الماتى قالاسى بويىنشا ەكولوگيا دەپارتامەنتىنىڭ وكىلدەرى, عىلىمي ينستيتۋتتاردىڭ تەحنيكالىق ماماندارى جانە «الەس» اق كىردى. كونكۋرس كوميسسيالارىنىڭ شەشىمىمەن «Arka Development» جشس جوبا جەڭىمپازى اتاندى. سونداي-اق 1 000 000 تەڭگەلىك سەرتيفيكات تابىس ەتىلدى.
ۇسىنىلعان جوبا بويىنشا الماتى 2-جەو جانىندا جىلدىق ونىمدىلىگى 300 مىڭ توننا كۇل-قوج قالدىقتارىن قايتا وڭدەۋ كەشەنى سالىنادى. كۇل-قوج قالدىقتارىن قايتا وڭدەۋ ناتيجەسىندە ءونىمنىڭ ءتورت ءتۇرى الىنادى:
كومىر جاعۋ (قازاندىقتارعا ارنالعان بريكەتتەلگەن ءونىم), ماگنەتيت (مەتاللۋرگيا ونەركاسىبىنە ارنالعان شيكىزات اۋىر بەتون تولتىرعىشى); ميكروسفەرا (پلاستماسسادان, گيپستەن, كەراميكادان, جەڭىل تسەمەنتتەردەن جاسالعان بۇيىمدار وندىرىسىندەگى تولتىرعىشتار); اليۋميني سيليكات ءونىمى (قۇرىلىس ماتەريالدارىنا ارنالعان شيكىزات).قازاقستان رەسپۋبليكاسىنىڭ قولدانىستاعى ەكولوگيالىق زاڭناماسىنىڭ تالاپتارىنا سايكەس, 2030 جىلعا قاراي قالدىقتاردى قايتا وڭدەۋ ۇلەسى 40 پايىزعا, 2050 جىلعا قاراي 50 پايىزعا دەيىن جەتۋى ءتيىس.
بۇل جوبا الماتى جەو-دا پايدا بولاتىن كۇل-قوج قالدىقتارىن وڭدەي وتىرا, ولاردان 99 پايىزعا دەيىن پايدالى ەلەمەنتتەر الۋ, كۇل-قوج الاڭدارىن قىسقارتۋ جانە ولاردى تولىق قالپىنا كەلتىرۋگە مۇمكىندىك بەرەدى.
ءىس-شارا بارىسىندا «الەس» اق-نىڭ «Arka Development» جشس-مەن ودان ءارى ىنتىماقتاستىعى تۋرالى مەموراندۋمعا قول قويىلدى.