ەكىنشى قۇرىلتايدىڭ قاسيەتتى تۇركىستان جەرىندە ءوتۋىنىڭ اسا ماڭىزدى سيمۆولدىق ءمانى بار. بۇل جەردە مەن قازاق ءتىلىن عىلىم تىلىنە اينالدىرۋ جونىندە ءسوز سويلەدىم. وسى ماسەلەنى پرەزيدەنت تە ايتتى. قازاق ءتىلى تەك وتباسى, وشاق قاسىندا قالماۋى كەرەك. انا ءتىلىمىز ءبىلىم مەن عىلىمنىڭ ءتىلى بولۋى قاجەت.
مادەنيەت جانە سپورتتى تۇسىنەتىندەر كوپ. ال عىلىمنىڭ ءتىلىن كىم تۇسىنەدى؟ قازاق دەگەن ەل شىن مانىندە وسى عاسىردان ءوتىپ, تاريح توپىراعىنا كومىلىپ قالمايمىن دەسە, تەحنيكالىق ەل بولۋى كەرەك. تاۋەلسىزدىكتىڭ تورەسى – تەحنيكالىق تاۋەلسىزدىك.
جاقسى كولىك, جاقسى كومپيۋتەر شىعارساق, ەكونوميكا كۇشتى بولادى. اسكەر مىقتى بولسا, سەنىڭ ءسوزىڭ دە ءوتىمدى بولادى. كەيىنگى جىلدارى قازاق عىلىمىنا قاجەتتى جاعداي جاسالىپ, ەرەكشە كوڭىل ءبولىنىپ جاتىر. ونىڭ بارلىعى ءبىرىنشى تۇلعاعا بايلانىستى. جالپى, عىلىم مەن تەحنولوگيانىڭ دامۋى – زاڭدى قۇبىلىس. ءبىزدىڭ ەلىمىزدە بۇرىنعىمەن سالىستىرعاندا گرانتتىڭ سانى كوبەيدى, عىلىممەن اينالىساتىن ادامدارعا مۇمكىندىك جاسالىپ جاتىر.
اسقار جۇمادىلداەۆ,
ۇلتتىق عىلىم اكادەمياسىنىڭ ۆيتسە-پرەزيدەنتى