پاۆلودار قالاسى اكىمىنىڭ ورىنباسارى ا.س. قالياقباروۆ كاسىپكەردەن پارا الدى دەگەن كۇدىككە ءىلىنىپ, قاماۋعا الىندى, دەپ حابارلايدى Egemen.kz ANTIKOR-دىڭ ءباسپاسوز قىزمەتىنە سىلتەمە جاساپ.
«ول جولداردى جوندەۋ بويىنشا مەملەكەتتىك ساتىپ الۋ شارتىنا سايكەس ورىندالعان جۇمىستاردىڭ اكتىلەرىنە كەدەرگىسىز قول قويعانى ءۇشىن كاسىپكەردەن پارا الدى دەگەن كۇدىككە ءىلىندى.
اقشانى العاننان كەيىن ا.س. قالياقباروۆ قىلمىس ۇستىندە ۇستالىپ, پاۆلودار قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى», دەپ حابارلادى ۆەدومستۆو وكىلدەرى.
قر قپك 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
سونداي-اق ANTIKOR وكىلدەرى كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز بولىپ ەسەپتەلەتىنىن ەسكە سالدى.