مەملەكەت باسشىسىنىڭ جارلىعىمەن ەرمەك بەدەلباي ۇلى كوشەرباەۆ شىعىس قازاقستان وبلىسىنىڭ اكىمى بولىپ تاعايىندالدى. ول قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى لاۋازىمىنان بوساتىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەرمەك كوشەرباەۆ 1965 جىلى الماتى قالاسىندا تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىن, كسرو سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن.
ەڭبەك جولى:
1988 جىلى C.كيروۆ اتىنداعى قازاق ۇلتتىق ۋنيۆەرسيتەتىن شەت تىلىندە وقىتاتىن تاريحشى ماماندىعى بويىنشا ءتامامدادى. 1993 جىلى كسرو ديپلوماتيالىق اكادەمياسىن حالىقارالىق قاتىناستار جانە سىرتقى ساياسات ماماندىعى بويىنشا اياقتادى.
1988-1991 جج. - قازسسر سىرتقى ىستەر مينيسترلىگىنىڭ قۇپيا ءىس قاعازدارىن جۇرگىزۋ بويىنشا اعا ينسپەكتورى, ەكىنشى حاتشىسى, ءبىرىنشى حاتشىسى, سىرتقى ىستەر ءمينيسترىنىڭ كومەكشىسى.
1993-1994 جج. – قازاقستان رەسپۋبليكاسىنىڭ سىرتقى ىستەر مينيسترلىگىنىڭ مەملەكەتتىك پروتوكول باسقارماسىنىڭ ءبىرىنشى حاتشىسى, ءبولىم مەڭگەرۋشىسى. 1994-1996 جج. - قازاقستان رەسپۋبليكاسىنىڭ پرەزيدەنتى اپپاراتىنىڭ حالىقارالىق ءبولىمىنىڭ كونسۋلتانتى, پرەزيدەنت اپپاراتى پروتوكول قىزمەتى باسشىسىنىڭ مىندەتىن اتقارۋشى.
1996-1997 جج. – قازاقستان رەسپۋبليكاسىنىڭ شۆەيتساريا كونفەدەراتسياسىنداعى ەلشىلىگىنىڭ ءبىرىنشى حاتشىسى.
1997 جىلى قازاقستان رەسپۋبليكاسى سىرتقى ىستەر مينيستىرلىگىنىڭ كوپجاقتى ىنتىماقتاستىق دەپارتامەنتىنىڭ ازيالىق قاۋىپسىزدىك ءبولىمنىڭ باسشىسى.
1997-1999 جج. قازاقستان رەسپۋبليكاسى پرەمەر-ءمينيسترىنىڭ كومەكشىسى. 2000 جىلدىڭ قاڭتار-قاراشا ايلارىندا «نۇرسۇلتان نازارباەۆ ءبىلىم فوندى» ديرەكتورىنىڭ ءبىرىنشى ورىنباسارى. 2000-2001 جج. - ءباسپاسوز قىزمەتىنىڭ باسشىسى, «قازترانسويل ۇك» جاق-نىڭ پرەزيدەنت اپپاراتىنىڭ باسشىسى.
2006-2007 جج. - «وتان رەسپۋبليكالىق ساياسي پارتياسى» قوعامدىق بىرلەستىگىنىڭ ورتالىق اپپارات باسشىسى.
2008-2009 جج. - «راۋان مەديا گرۋپپ» اق-نىڭ باس ديرەكتورى.
2009-2010 جج. - «ەرتىس قوعامدىق-كاسىپتىك كورپوراتسيا» ۇلتتىق كومپانياسىنىڭ باسقارما توراعاسى.
2010-2014 جج. - شقو اكىمىنىڭ ءبىرىنشى ورىنباسارى.
2014-2016 جج. – اۋىل شارۋاشىلىعى مينيسترلىگىنىڭ ۆيتسە-ءمينيسترى.
2016-2018 جج. - اۋىل شارۋاشىلىعى مينيسترلىگىنىڭ جاۋاپتى حاتشىسى.
2018-2019 جج. - قازاقستان رەسپۋبليكاسىنىڭ سىرتقى ىستەر مينيسترلىگىنىڭ جاۋاپتى حاتشىسى.
2019-2020 جىلدارى قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى بولدى.
2020 جىلدىڭ قاڭتارىنان قر رەسەي فەدەراتسياسىنداعى توتەنشە جانە وكىلەتتى ەلشىسى بولىپ ەڭبەك ەتتى.