14 ماۋسىم ساعات 21:00-دە اۋەدەن بارلاۋ جانە جەدەل جاعدايدى باعالاۋ قورىتىندىسى بويىنشا اباي وبلىسىنداعى «سەمەي ورمانى» تابيعي رەزەرۆاتى اۋماعىنداعى تابيعي ءورت وقشاۋلاندى, دەپ حابارلايدى Egemen.kz.
توتەنشە جاعدايلار مينيسترلىگىنىڭ مالىمەتىنشە, نەگىزگى كۇش-جىگەردى جەرگىلىكتى جانۋ وشاقتارىن سوندىرۋگە جانە جاڭالارىنىڭ پايدا بولۋىنا جول بەرمەۋگە شوعىرلاندىرۋ ءۇشىن كۇشتەر مەن قۇرالداردى قايتا توپتاستىرۋ جۇرگىزىلدى.
مينيسترلىك ءورت تولىق جويىلعانعا دەيىن وقشاۋلانعان وشاقتاردىڭ ورىندارىنا ۇنەمى سۋ توگۋ, سونداي-اق ءورتتىڭ شەتىن توپىراقپەن تولتىرۋ جۇزەگە اسىرىلاتىنىن ايتتى.