الەۋمەتتىك جەلىدە ورمانداعى ءورتتىڭ ءورشىپ تۇرعانى بەينەلەنگەن جازبالار تاراپ ءجۇر. الايدا اباي وبلىسىنىڭ اكىمدىگى بۇنى جوققا شىعاردى, دەپ حابارلايدى Egemen.kz.
جەرگىلىكتى اكىمدىك وكىلدەرى ايتىپ وتكەندەي, ءورت اۋماعى ءبىرشاما ازايعان. جاعداي باقىلاۋدا. جاقىن ماڭداعى ەلدى مەكەندەرگە ەشقانداي قاۋىپ تۇرعان جوق.
توتەنشە جاعدايلار مينيسترلىگى ءۇش باعىتتا جۇرگىزىلىپ جاتقان ءورت ءسوندىرۋ جۇمىستارى قارقىن الىپ, نەگىزگى ءورت وشاقتارى اۋىزدىقتالعانىن مالىمدەدى.
ايتا كەتسەك, اباي وبلىسىنداعى ءورتتى ءسوندىرۋ جۇمىستارىنا توتەنشە جاعدايلار مينيسترلىگى, ورمان شارۋاشىلىعى كوميتەتى, جەرگىلىكتى اتقارۋشى ورگاندار مەن قورعانىس مينيسترلىگىنەن 1800-دەن استام ادام مەن 350-گە جۋىق تەحنيكا جۇمىلدىرىلعان.