اباي وبلىسىنداعى الاپات ءورتتى ءسوندىرۋ جۇمىستارى 3 باعىتتا جالعاسىپ جاتىر, دەپ حابارلايدى Egemen.kz.
قايسار ءورت سوندىرۋشىلەردىڭ قىزىل جالىنمەن ارپالىسىپ جاتقانىنا 6 كۇن ءوتتى. ايتسە دە بىرنەشە كۇن بويى سوعىپ جاتقان ەكپىندى جەل ءتىلسىز جاۋدى اۋىزدىقتاۋعا كەدەرگى بولىپ تۇر. وسى تۇستا جالىن وشاقتارىنا تارتىلعان ءورت سوندىرۋشىلەردىڭ قاتارى تاعى 300-گە تارتا قۇتقارۋشىمەن تولىقتى. قازىرگى ۋاقىتتا وتتى اۋىزدىقتاۋعا 1 800-دەن استام ادام, 350-گە جۋىق تەحنيكا مەن 15 تىكۇشاق جۇمىلدىرىلدى.
«حابار 24» ارناسىنا سۇحبات بەرگەن ءورت سوندىرۋشىلەر استانادان 12 ادام جاردەمدەسۋگە كەلگەنىن ايتتى.
«تۇندە جالىن قىزارىپ كورىنىپ تۇرادى. جەلدىڭ ەكپىنى باسەڭدەگەندە وتتى اۋىزدىقتايمىز. بىراق كۇندىز قايتادان جەل كوتەرىپ الادى», دەدى ورت ءسوندىرۋشى ايدىن ەسەمانوۆ.
قازىرگى ۋاقىتتا جاقىن ماڭداعى ەلدى مەكەندەرگە قاۋىپ ءتونىپ تۇرعان جوق. پيلوتسىز ۇشۋ اپپاراتىن پايدالانعان قۇتقارۋشىلار ءتىلسىز جاۋ قاشتاق ورمانشىلىعىنان سەمەي قالاسىنا قاراي باعىت العانىن انىقتاعان. جەدەل ءىس-قيمىلدار مەن قابىلدانعان شارالاردىڭ ارقاسىندا بۇل جالىن تەز ارادا وقشاۋلاندى.
«تاڭعى ساعات 04:00-تە شىعامىز, تۇنگى 3-4-كە دەيىن ورماندى ارالاپ جۇرەمىز. ارقايسىمىزدى ۋچاسكەلەرگە ءبولىپ تاستاعان, سول ايماقتاردا تۇتانعان جالىنمەن كۇرەسەمىز», دەيدى ءورت سوندىرۋشىلەر.