بۇگىن ىشكى ىستەر ءمينيسترىنىڭ ورىنباسارى-ۇلتتىق ۇلان باس قولباسشىسىمەن كەلىسىلە وتىرىپ, ۇۇ «شىعىس» وڭىرلىك قولباسشىلىعى قولباسشىسىنىڭ شەشىمىمەن ەۆاكۋاتسيالانعان كاشتاك, تاليتسا جانە تەپكاشي اۋىلدارىنا سەمەيدەگى 5511 اسكەري ءبولىمىنىڭ 100-گە جۋىق ۇلتتىق ۇلان ساربازدارى مەن 8 تەحنيكا جۇمىلدىرىلدى, دەپ حابارلايدى Egemen.kz.
اسكەريلەر اۋىلداردا مورودەرلىككە جول بەرمەۋ ءۇشىن قوعامدىق ءتارتىپتى كۇزەتىپ, اۋىلدا قالعان كەيبىر تۇرعىنداردى ەۆاكۋاتسيالاۋعا جانە زارداپ شەككەندەرگە كومەك كورسەتەدى. اتالعان ورىنداردا جاۋىنگەرلىك قىزمەت ۇلتتىق ۇلان «شىعىس» وڭىرلىك قولباسشىلىعىنىڭ قولباسشىسى گەنەرال-مايور رۇستەم اقباليننىڭ جەكە قاداعالاۋىمەن ۇيىمداستىرىلعان.
قازىرگى تاڭدا اباي وبلىسىنداعى ورماننىڭ اۋقىمدى جەرىن جالماعان ءورت ءالى تولىق سوندىرىلمەي, ماڭايدا ورنالاسقان اۋىلدارعا قاۋىپ ءتوندىرىپ تۇر.