اباي وبلىسىنىڭ اكىمى ورمانداعى ءورت جاعدايىن باياندادى

اباي وبلىسىنىڭ اكىمى نۇرلان ۇرانحاەۆتىڭ بايانداماسىنا سايكەس:

بۇگىنگى تاڭدا ءورتتىڭ جالپى اۋدانى شامامەن 60 مىڭ گەكتاردى قۇرايدى, ونىڭ 43 مىڭ گەكتارى بەلسەندى تەرمو نۇكتەلەر. ەلدى مەكەندەرگە قاۋىپ جوق. ءورتتى ءسوندىرۋ 3 باعىتتا جالعاسىپ جاتىر. شىعىستا, اۋىر تەحنيكامەن ورتكە قارسى ۇزىلىستەر جاساۋ ءۇشىن ورماندى كەسۋ جۇرگىزىلۋدە. باسقا ەكەۋى بويىنشا جەتۋ قيىن جەرلەردى ەسكەرە وتىرىپ ءسوندىرۋ جاياۋ جانە تىكۇشاقتارمەن جۇزەگە اسىرىلادى. جالپى, ءورتتى جويۋعا 1788 ادام, 345 بىرلىك تەحنيكا جانە 15 تىكۇشاق جۇمىلدىرىلدى. تەحنيكانى وتىنمەن قامتاماسىز ەتۋ ءۇشىن اكىمدىك 20 توننا ججم جىبەردى, تاعى 50 توننا Kaz Minerals كومپانياسى ەسەبىنەن قامتاماسىز ەتىلەدى. قازىرگى ۋاقىتتا بۇلاق, تاليتسا, پولوۆينكي ەلدى مەكەندەرى ەۆاكۋاتسيالاندى (463 ادام). كوشىرۋ ورىندارىندا پوليتسيا قىزمەتكەرلەرىنىڭ كەزەكشىلىگى ۇيىمداستىرىلدى. تۇرعىندار سەمەي قالاسى مەن بورودۋليحا اۋىلىنىڭ ەۆاكۋاتسيالىق پۋنكتتەرىندە ورنالاستىرىلدى. ءورت سوندىرۋگە تارتىلعان جانە ەۆاكۋاتسيالانعان ازاماتتار ءۇشىن  ازىق-ت ۇلىك جەتكىزىلىپ جاتىر. قازىرگى ۋاقىتتا ءورت سالدارىنان 3 ءۇي, 2 بىرلىك تەحنيكا ورتەندى, ىس ءتيىپ ۋلانعان ورمانشىلىقتىڭ 2 قىزمەتكەرىنىڭ جاعدايى جاقسارىپ كەلەدى, تراكتورشى د. ك. قانافين جالپى پالاتاعا اۋىستىرىلدى, س. م. باقاناسوۆ ۇيىنە جىبەرىلدى. جوعالعان تراكتورشى س. ارحيپوۆتى ىزدەۋ جالعاسىپ جاتىر. پوليتسيا قىزمەتكەرلەرى ونىڭ ورنالاسقان جەرىن انىقتاۋ بويىنشا جۇمىس جۇرگىزۋدە. مەملەكەت باسشىسىنىڭ تاپسىرماسى بويىنشا ۋسپەنسكي ورمانشىلىعىنىڭ قازا تاپقان 14 جۇمىسشىلاردىڭ وتباسىنا كومەك كورسەتىلىپ جاتىر. بۇگىنگى تاڭدا ءاربىر وتباسىنا بيۋدجەت جانە بيۋدجەتتەن تىس قاراجات شەڭبەرىندە قاجەتتى كومەكتىڭ دەربەس كارتالارى جاسالدى. سونىمەن قاتار زارداپ شەككەندەرگە كومەك كورسەتۋ جانە ءورت سالدارىن جويۋ ءۇشىن ارنايى «اق ەرتىس» قايىرىمدىلىق قورىندا شوت قۇرىلدى. بارلىق مەملەكەتتىك تولەمدەر ۋاقتىلى جانە تولىق كولەمدە كورسەتىلەتىن بولادى.