قازاقستاندا اليمەنتتەن جالتارعاندار كوبەيدى

«Egemen Qazaqstan» گازەتىنىڭ 12 ماۋسىمداعى №109 (30588) سانىندا جارىق كورگەن «اليمەنت - قارىز ەمەس, پارىز» ماقالاسىندا كورسەتىلگەن مالىمەتتەرگە سۇيەنسەك, بىلتىرعى جىلدىڭ وزىندە سوت ورىنداۋشىلارى اليمەنت بويىنشا 304 مىڭ ءىستى جۇرگىزگەن. ونىڭ ىشىندەگى 5 مىڭى – پەرزەنتى الدىنداعى جاۋاپكەرشىلىگىن تۇسىنبەگەن ازاماتتار. 

قازاقستاندا  اليمەنت بويىنشا قارىز كولەمى 14 ملرد تەڭگەگە جەتتى. ماقالا اۆتورى زەيىن ەرعاليدىڭ جازۋىنشا, بۇگىندە قوعامنىڭ بۇل كولەڭكەلى تۇسى سوت ورىنداۋشىلارى مەن قۇقىق قىزمەتكەرلەرىنىڭ باس اۋرۋىنا اينالىپ وتىر. بورىشكەرلەردىڭ اراسىندا ماسكۇنەمدەر مەن جۇمىسسىز جۇرگەندەردەن بولەك, جالاقى مولشەرىن ازايتۋ ءۇشىن جۇمىس بەرۋشىمەن كەلىسىپ, جالعان قۇجات جاساتاتىندارى دا جەتكىلىكتى. 

رەسپۋبليكالىق جەكە سوت ورىنداۋشىلار پالاتاسىنىڭ توراعاسى ايدوس يمانباەۆتىڭ ايتۋىنشا, بورىشكەرلەردىڭ كوپشىلىگى جەكە كاسىپكەر رەتىندە رەسمي تىركەلىپ, وزدەرىنە ەڭ تومەنگى جالاقى 70 مىڭ تەڭگەگە جۋىق قاراجاتتى بەلگىلەيدى ەكەن. 

سونداي-اق ماماننىڭ مالىمەتىنە سەنسەك, بىلتىر اليمەنت تولەمەگەن 4 065 ازامات əكىمشىلىك, 126 بورىشكەر قىلمىستىق جاۋاپكەرشىلىككە تارتىلسا, 116 ادام باس بوستاندىعىنان شەكتەلدى. وعان قوسا تاعى 8 بورىشكەرگە قوعامدىق جۇمىستارعا تارتۋ جəنە ەكەۋىنە باس بوستاندىعىنان ايىرۋ جازاسى تاعايىندالدى. اتقارۋشى بيلىك اليمەنت ماسەلەسىن قانشا قيىنداتسا دا, ماسەلە تۇبەگەيلى شەشىلمەي تۇر. 

جەكە سوت ورىنداۋشىلار پالاتاسىنىڭ توراعاسى ايتىپ وتكەندەي, مەملەكەت «جۇمىس جوق» دەپ سىلتاۋراتقان 2 000-عا جۋىق بورىشكەردى جىل سايىن جۇمىسقا ورنالاستىرادى ەكەن. 2022 جىلدىڭ 12 ايىندا سوت ورىنداۋشىلاردىڭ وندىرىسىندە 7,8 ملن اتقارۋشىلىق قۇجات بولعان. بۇل 2021 جىلمەن سالىستىرعاندا 1,1 ملن قۇجاتقا ارتىق. بىلتىر 6,7 ملن قۇجات بولعان ەدى. 2021 جىلى 2,3 ميلليون ءىس تولىق ورىندالسا, 2022 جىلى بۇل كورسەتكىش 2,6 ميلليوندى قۇرادى.

وسى تۇستا مەملەكەت كىرىسىنە 31 ملرد تەڭگە وندىرىلگەنىن ايتا كەتۋ كەرەك. بۇل 2021 جىلمەن سالىستىرعاندا 6 ميللياردقا كوپ. سونداي-اق بيزنەس پايداسىنا 185 ميلليارد تەڭگە وندىرىلگەن.