قۇزىرلى ورگاندار اباي وبلىسىنداعى الاپات ورتكە قاتىستى تەرگەۋ جۇمىستارىن جالعاستىرىپ جاتىر, دەپ حابارلايدى Egemen.kz.
الەۋمەتتىك جەلىدە اباي وبلىسىنداعى ورتكە قاتىستى بەينەجازبا تاراپ ءجۇر. ۆيدەو اۆتورىنىڭ ايتۋىنشا, سەمەي ورمانىنداعى ءورت قاساقانا قويىلۋى مۇمكىن. پوليتسيا قىزمەتكەرلەرى دە بۇل نۇسقا اياسىندا تەرگەۋ جۇمىستارىن جۇرگىزىپ جاتىر.
وسى ورايدا وبلىس اكىمدىگى جەلىدە تاراعان ۆيدەوعا قاتىستى تۇسىنىكتەمە بەردى.
«الەۋمەتتىك جەلى مەن مەسسەندجەرلەردە بولجامدى ورتەۋ ارەكەتتەرىنىڭ ورىندارى كورسەتىلگەن بەينەماتەريالداردىڭ تارالۋىنا بايلانىستى قالىپتاسقان جاعدايدى ءتۇسىندىرۋ ماڭىزدى. بەينەجازبا اۆتورى ءورتتىڭ كوزى نايزاعاي ەمەس, ادەيى ورتەۋ بولدى دەگەن بولجامعا توقتالدى. الايدا ۆيدەودا كورسەتىلگەن ۋچاسكەلەردە جاعىلعان وت ىرگەلەس ورمان القاپتارىنا تارالماعانىن ەسكەرگەن ءجون», دەلىنگەن اكىمدىك حابارلاماسىندا.
قازىرگى ۋاقىتتا قۇزىرلى ورگاندار بۇل ماسەلە بويىنشا جان-جاقتى تالقىلاۋ جۇرگىزىپ جاتىر. تەرگەۋ جۇمىستارى ىقتيمال ورتەۋشىنى جانە اۋقىمدى ءورتتىڭ نەگىزگى سەبەبىن انىقتاۋعا باعىتتالعان.