نەمىستىڭ «DW» اقپارات اگەنتتىگىنىڭ مالىمەتىنە قاراعاندا الەم بويىنشا ميلليونەرلەر سانى ازايعان. 2022 جىلى م ۇلىكتى ەسەپكە الماعاندا داۋلەتى ميلليون دوللاردان اساتىن شامامەن 21,7 ملن ادام تىركەلگەن. قازاقستاندا دا وتكەن جىلعى كورسەتكىش بويىنشا ميلليونەر ازاماتتار سانى بىرنەشە ەسە ازايعان, بار بولعانى 1,2 مىڭ ادام.
جەر بەتىندەگى ەڭ باي ادامداردىڭ جيىنتىق مۇلكى 3,6 پايىزعا ازايىپ, 83 ترلن دوللاردى قۇراعان. «بۇل – ون جىلدا ماكروەكونوميكالىق جانە گەوساياسي بەلگىسىزدىكتەن تۋىنداعان ەڭ ۇلكەن قىسقارۋ», دەپ جازدى «Capgemini» فرانتسۋز كونسالتينگ فيرماسى. كومپانيانىڭ قارجى ساراپشىلارى 71 ەلدەگى م ۇلىكتىك جاعدايدى تالدادى. ونىڭ مالىمەتىنشە, م ۇلىكتىڭ ەڭ كوپ سانى – 7,4 پايىز سولتۇستىك امەريكادا قىسقارعان. ەۋروپادا مينۋس 3,2, ال ازيا مەن تىنىق مۇحيتى ايماعىندا 2,7 پايىز دەڭگەيىندە تىركەلدى. سونىمەن بىرگە افريكا, لاتىن امەريكاسى جانە تاياۋ شىعىستا م ۇلىك كەرىسىنشە ءوستى. بۇعان رەسەيدىڭ ۋكرايناعا قارسى سوعىسى اياسىندا مۇناي مەن گاز باعاسىنىڭ ءوسۋى سەبەپ بولعان.
«Capgemini» قارجىلىق زەرتتەۋلەر ءبولىمىنىڭ باسشىسى ەلياس گانەم ميلليونەرلەردىڭ ازايۋى مەن اكتسيونەرلىك بيرجالارداعى جاعداي اراسىندا تىكەلەي بايلانىس بار دەپ سانايدى. وتكەن جىلى امەريكالىق «NASDAQ» يندەكسى – 33, فرانتسۋزدىق «CAC 40» – 9,5, ال نەمىستىڭ «DAX»-ءى 12 پايىزدى جوعالتتى.
قازاقستانداعى ميلليونەر كاسىپكەرلەردىڭ وڭىرلەر بويىنشا سانى بىركەلكى ەمەس. تابىسى 1 ملن تەڭگەدەن كوپ, بارلىق تىركەلگەن, ءوزىن-ءوزى جۇمىسپەن قامتۋشىلاردىڭ 89 پايىزى الماتىلىقتار (5,3 مىڭ ادام) بولدى. تاعى 9 پايىزى, ياعني 541 ادام استانا قالاسى مەن اقمولا وبلىسىندا تۇرادى. وتە از ۇلەس (شامامەن 2%) ماڭعىستاۋ جانە ۇلىتاۋ وڭىرلەرىندە. باسقا وڭىرلەردە ميلليونداعان تابىسى بار ءوزىن-ءوزى جۇمىسپەن قامتىعاندار جوق.
ساناتتاعى بارلىق ازاماتتاردىڭ 95,1 پايىزى قالا تۇرعىندارى (5,7 مىڭ ادام) بولىپ شىقتى. تەك 293 ادام (4,9%) اۋىلدا كاسىپپەن اينالىسىپ, 1 ملن تەڭگە تابىسقا قول جەتكىزگەن.
شۆەيتساريالىق «Credit Suisse» بانكىنىڭ الەمنىڭ ءارتۇرلى ەلدەرىندەگى ءال-اۋقات دەڭگەيى تۋرالى «Global Wealth Report 2022» اناليتيكالىق ەسەبىنىڭ دەرەكتەرىنە سۇيەنسەك, 2021 جىلدىڭ سوڭىنا قاراي قازاقستانداعى دوللارلىق ميلليونەرلەردىڭ ۇلەسى رەسپۋبليكانىڭ ەرەسەك تۇرعىندارىنىڭ 0,3 پايىزىن قۇرادى. ءابسوليۋتتى تۇردە بۇل 36,9 مىڭ ادام. 2020 جىلمەن سالىستىرعاندا مۇنداي دەڭگەيدەگى قازاقستاندىقتاردىڭ سانى 50,9 پايىزعا ءوستى. پاندەميانىڭ ءبىرىنشى جىلىندا بايلىعىن ميلليونداعان دوللارمەن ولشەيتىن بايلار, دەرەككوزگە سۇيەنسەك, ەلدە 24,5 مىڭ ادام بولعان.