قورعانىس مينيسترلىگىنە قاراستى اسكەري بولىمدەردىڭ وقۋ-جاتتىعۋ جيىندارى قىسقى جانە جازعى توپتارعا بولىنەدى. قىسقى جيىنداردى ءساتتى اياقتاعان اسكەري قىزمەتشىلەر ەندى جازعى وقۋ كەزەڭىنە كىرىستى.
قازىر قورعانىس ۆەدومستۆوسىنىڭ بارلىق اسكەري بولىمىندە جاۋىنگەرلىك دايىندىق ساباقتارى ءوتىپ جاتىر. وعان قارۋلى كۇشتەردىڭ جەكە قۇرامى تولىق تارتىلىپ وتىر. نەگىزگى ماقسات – جاۋىنگەرلىك ازىرلىكتىڭ ءتۇرلى دەڭگەيىن ەنگىزۋ كەزىندە ءاربىر اسكەري قىزمەتشىنىڭ ءىس-قيمىل ءتارتىبىن پىسىقتاۋعا ارنالعان.
اسكەرلەردىڭ تۇراقتى ورنالاسۋ پۋنكتتەرىندە, پوليگونداردا, اۋە ايلاقتارىندا, باستاپقى پوزيتسيالاردا جانە تەڭىزدە جۇكتەلگەن جاۋىنگەرلىك مىندەتتەردى ورىنداۋعا دايىندىق ماسەلەلەرى ءىس جۇزىندە پىسىقتالىپ جاتىر. دەسانتتىق-شابۋىلداۋ اسكەرلەرى بولىمشەلەرىنىڭ ىقتيمال قاۋىپ-قاتەرلەرگە دەن قويۋ دايىندىعىن تەكسەرۋ ماقساتىمەن اسكەري-كولىكتىك اۆياتسيا ۇشاقتارىمەن بەلگىلەنگەن اۋدانعا جەتكىزۋ جۇزەگە اسىرىلدى.
بارلىق ءىس-شارا جەرگىلىكتى اتقارۋشى ورگاندارمەن, اۋماقتىق قورعانىس بولىمشەلەرىمەن, باسقا دا اسكەرلەر جانە اسكەري قۇرالىمدارمەن ءوزارا تىعىز ءىس-قيمىلدا وتكىزىلىپ جاتقانىن ايتا كەتۋ كەرەك. ساباقتار جاۋىنگەرلىك مىندەتتەردى ورىنداۋ كەزىندە ءاربىر اسكەري قىزمەتشىنىڭ تاجىريبەلىك داعدىلارىن جەتىلدىرۋگە باعىتتالعان.