گەنەرال-پولكوۆنيك رۋسلان جاقسىلىقوۆ قارۋلى كۇشتەر بولىمشەلەرىنىڭ ءىس-قيمىلىن جانە اپات ايماعىندا باسقا ۆەدومستۆولارمەن ءوزارا ءىس-قيمىلدى ۇيىمداستىرىپ جاتىر, دەپ حابارلايدى Egemen.kz.
قورعانىس ءمينيسترى ورتتەن بولعان جاعدايدى زەرتتەۋ, اسا قاۋىپتى ايماقتاردى انىقتاۋ جانە ورتكە قارسى ءىس-شارالاردى ودان ءارى جوسپارلاۋ ماقساتىندا ءورت شالعان اۋماقتىڭ ۇستىمەن ۇشىپ ءوتتى.
سونداي-اق ءتىلسىز جاۋدى وشىرۋگە «شىعىس» وڭىرلىك قولباسشىلىعىنىڭ 300-دەن استام اسكەري قىزمەتشىسى جۇمىلدىرىلىپ, 30 بىرلىك ارنايى اسكەري تەحنيكا تارتىلعان. اسكەري قىزمەتشىلەر بوگەت سالىپ, اۋماقتى جىرتىپ, جالىندى وقشاۋلاۋ شارالارىن قابىلداپ جاتىر. ارميالىق اۆياتسيا ەكيپاجدارى 400 توننادان استام سۋ شاشتى.
بورودۋليحا اۋدانىنا جونەلتۋگە دايىن 500-دەن استام اسكەري قىزمەتشى مەن 30 بىرلىك تەحنيكا ساقاداي ساي دايىن تۇر. تاعى 200 ادامنان تۇراتىن قوسىمشا رەزەرۆ قۇرىلدى.
ورتكە قارسى ءىس-شارالارعا تارتىلعان اسكەري قىزمەتشىلەر اۋىسىممەن جۇمىس ىستەپ جاتىر. ولار قاجەتتى قورعانىس قۇرالدارىمەن قامتاماسىز ەتىلگەن. ۋاقتىلى تاماقتانىپ, دەمالۋعا بار جاعداي جاسالعان.
قارۋلى كۇشتەردىڭ جەكە قۇرامى ءورتتىڭ ودان ءارى تارالۋىنا جول بەرمەۋ ءۇشىن بارلىق شارالاردى قولدانىپ جاتىر.