«قازگيدرومەت» رمك 11 ماۋسىمدا قازاقستاننىڭ باسىم بولىگىندە قولايسىز اۋا رايى بولاتىنىن حابارلادى. سينوپتيكتەر ءورت قاۋپى ەلىمىزدىڭ بارلىق ايماقتارىندا ساقتالاتىنىن جەتكىزدى, دەپ حابارلايدى Egemen.kz.
اتىراۋ, ماڭعىستاۋ, اقتوبە, باتىس قازاقستان وبلىستارىنىڭ باسىم بولىگىندە كۇن قاتتى ىسيدى دەپ بولجانادى.
9 وڭىردە توتەنشە ءورت قاۋپى ساقتالىپ وتىر:
تۇركىستان قالاسىندا, اقتوبە, قىزىلوردا, الماتى, ماڭعىستاۋ, جامبىل, اباي, اقمولا, جەتىسۋ وبلىستارىندا.
وبلىستاردىڭ جەكەلەگەن ۋچاسكەلەرىندە توتەنشە ءورت قاۋپى جوعارى ەكەنى بايقالادى:
- اتىراۋ وبلىسىنىڭ سولتۇستىگىندە, شىعىسىندا, وڭتۇستىگىندە;
- شىعىس قازاقستان وبلىسىنىڭ سولتۇستىگىندە, سولتۇستىك-باتىسىندا;
- ۇلىتاۋ وبلىسىنىڭ ورتالىعىندا, قاراعاندى ءوڭىرىنىڭ وڭتۇستىگىندە;
- قوستاناي وبلىسىنىڭ وڭتۇستىك جارتىسىندا;
- پاۆلودار وبلىسىنىڭ سولتۇستىگىندە.
- باتىس قازاقستان وبلىسىنىڭ شىعىسىندا, وڭتۇستىك-شىعىسىندا ءورت قاۋپى جوعارى بولادى دەپ كۇتىلەدى.