قر پرەمەر-ءمينيسترىنىڭ ءبىرىنشى ورىنباسارى رومان سكليار اباي وبلىسىنداعى تابيعي ءورتتى ءسوندىرۋ جونىندەگى تجم احۋالدىق ورتالىعىنىڭ بازاسىندا جەدەل رەسپۋبليكالىق شتاب وتىرىسىن وتكىزدى, دەپ حابارلايدى Egemen.kz ۇكىمەت ءباسپاسوز قىزمەتىنە سىلتەمە جاساپ.
وتىرىس بارىسىندا وقيعا ورنىنان وبلىس اكىمى نۇرلان ۇرانحاەۆ پەن توتەنشە جاعدايلار ۆيتسە-ءمينيسترى گەنەرال-مايور مارات كۇلدىكوۆ بايانداما جاسادى.
9 ماۋسىم كۇنى ساعات 16:00-دەگى جاعداي بويىنشا ءورتتى سوندىرۋگە جەكە قۇرامنان 662 ادام جانە 177 تەحنيكا, 6 تىكۇشاق جۇمىلدىرىلعان.
اۆياتسيالىق تەحنيكامەن ءورتتى ءسوندىرۋ ءۇشىن 80 رەت جالپى كولەمى 192 توننا سۋ شاشىلدى. قازىرگى ۋاقىتتا ورمان شارۋاشىلىقتارىنىڭ 14 قىزمەتكەرىمەن بايلانىس ۇزىلگەن. ولاردى ىزدەۋ شارالارى جۇرگىزىلۋدە.
قالىپتاسقان جاعدايدى ەسكەرە وتىرىپ, استانا قالاسى جانە قاراعاندى وبلىسىنىڭ توتەنشە جاعدايلار دەپارتامەنتتەرىنەن قوسىمشا 133 ادام جانە 48 تەحنيكا, سونداي-اق 4 تىكۇشاق جىبەرۋ تۋرالى شەشىم قابىلداندى.