مەملەكەت باسشىسى شەتەلدىك ينۆەستورلار كەڭەسىنىڭ وتىرىسىندا ءسوز سويلەدى, دەپ حابارلايدى Egemen.kz اقوردانىڭ ءباسپاسوز قىزمەتىن سىلتەمە جاساپ.
«گەوساياسي شيەلەنىس پەن پروتەكتسيونيزمنىڭ بەلەڭ الۋى الەمدىك ەكونوميكانى وزگەرتىپ جاتىر. بۇل ەكونوميكانى باياۋلاتىپ قانا قويماي, جاھاندىق ءوسىم مەن تۇراقتىلىققا كەدەرگى كەلتىرەدى. الايدا كەز كەلگەن داعدارىس جاڭا مۇمكىندىككە جول اشاتىنىن ۋاقىت كورسەتتى.
وراسان زور تەحنولوگيالىق سەرپىن بەرەتىن «تسيفرلاندىرۋ» وسىنداي مۇمكىندىكتىڭ ءبىرى دەپ سانايمىز. تسيفرلاندىرۋ قارقىنى ەكونوميكانىڭ دامۋىنا زور ىقپال ەتىپ, بۇگىنگى كۇن ءتارتىبىنىڭ باعىت-باعدارىن ايقىنداپ بەردى», دەپ اتاپ ءوتتى قاسىم-جومارت توقاەۆ.
پرەزيدەنتتىڭ ايتۋىنشا, جاساندى ينتەللەكت, بلوكچەين, ينتەرنەت زاتتار (IoT) جانە ۇلكەن دەرەكتەر (Big Data) سەكىلدى جاڭا تۇجىرىمدار مەن تەحنولوگيالاردى كەڭ كولەمدە ەنگىزۋ اۋىل شارۋاشىلىعىنان باستاپ قارجى سالاسىنا دەيىن بارلىق سالاداعى ويىن ەرەجەسىنىڭ وزگەرۋىنە الىپ كەلەدى.