بۇگىن پرەزيدەنت قاسىم-جومارت توقاەۆ استانا حالىقارالىق فورۋمىنىڭ پلەنارلىق وتىرىسىنا قاتىسىپ, ءسوز سويلەيدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
فورۋمدا قىرعىزستان پرەزيدەنتى سادىر جاپاروۆ, بوسنيا جانە گەرتسەگوۆينا پرەزيديۋمىنىڭ توراعاسى جەلكا تسۆيانوۆيچ, وزبەكستان پرەمەر-ءمينيسترى ابدۋللا اريپوۆ, يۋنەسكو باس ديرەكتورى ودرە ازۋلە, حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا جانە باسقا دا سپيكەرلەر ءسوز سويلەيدى.
سونىمەن قاتار مەملەكەت باسشىسىنىڭ توراعالىعىمەن شەتەلدىك ينۆەستورلار كەڭەسىنىڭ وتىرىسى وتەدى.
بۇدان بولەك پرەزيدەنت:
– حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆامەن;– ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن;– ازيا دامۋ بانكىنىڭ پرەزيدەنتى ماساتسۋگۋ اساكاۆامەن;– دۇنيەجۇزىلىك بانكتىڭ ۆيتسە-پرەزيدەنتى انتونەللا باسسانيمەن;– Citigroup كومپانياسىنىڭ ەۋروپا, تاياۋ شىعىس جانە افريكا بويىنشا باس اتقارۋشى ديرەكتورى دەۆيد ليۆينگستونمەن;– ENI كومپانياسىنىڭ باس اتقارۋشى ديرەكتورى كلاۋديو دەسكالتسيمەن بىرقاتار كەزدەسۋ وتكىزەدى.