قىزىلوردا كوشەلەرىنىڭ بىرىندە جەڭىل كولىك جۇرگىزۋشىسى بەلگىلەنبەگەن جەردە جولدى كەسىپ وتپەك بولعان ءۇش ادامدى قاعىپ كەتتى. وقىس وقيعا سالدارىنان 60 جاستاعى ايەل ادام كوز جۇمدى, تاعى ەكى ادام اۋرۋحاناعا جەتكىزىلدى, دەپ حابارلايدى Egemen.kz.
قايعىلى وقيعا وبلىس ورتالىعىندا 5 ماۋسىمعا قاراعان ءتۇنى بولعان.
«تۇندە اباي داڭعىلى مەن ەسەنوۆ كوشەسىنىڭ قيىلىسىندا جەڭىل كولىك وتۋگە تىيىم سالىنعان جەردەن وتپەكشى بولعان جاياۋ جۇرگىنشىلەردى قاعىپ كەتتى. وقيعا سالدارىنان ءبىر ادام وقيعا ورنىندا قايتىس بولدى, تاعى ەكەۋى ءتۇرلى دەنە جاراقاتتارنى الدى. زارداپ شەككەن ادامدار اۋرۋحاناعا جاتقىزىلدى», دەلىنگەن وبلىستىق پوليتسيا دەپارتامەنتى تاراتقان حابارلامادا.
اتالعان دەرەك قر قىلمىستىق كودەكسىنىڭ 345-بابىنىڭ 3-بولىگى بويىنشا تىركەلىپ, سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەندى.
«جۇرگىزۋشى ۇستالدى. ءتيىستى ساراپتامالار تاعايىندالدى, سوتقا دەيىنگى تەرگەۋ ءجۇرىپ جاتىر», دەپ قوستى ۆەدومستۆونىڭ ءباسپاسوز قىزمەتى.