«بالانى جاستان» دەگەن ءسوز بەكەر ەمەس. ونىڭ جاقسى بولماعى كىشكەنتايىنان العان تاربيەسىنە بايلانىستى.
ماعجان جۇماباەۆ «پەداگوگيكا» كىتابىندا بالانىڭ مىنەز-ق ۇلىعىنا ۇيدەگى ءتارتىپ پەن مەكتەپتەگى ءتارتىپتىڭ تىكەلەي اسەر ەتەتىنىن ايتادى.
ء«ۇي ءھام مەكتەپتەگى ءتارتىپ قۇبىلمالى بولماسىن, ياعني اتا-انانىڭ, مۇعالىمنىڭ كۇيىنە قاراپ ءتارتىپ وزگەرىپ وتىرماسىن. ءتارتىپ وزگەرمەيتىن ىزگى ق ۇلىق زاڭدارىنا نەگىزدەلگەن بولسىن. بولماسا, بۇگىن جاراعان ءىس ەرتەڭ جارامايتىن بولىپ وتىرسا, بالادا تاربيەشىگە سەنىم قالمايدى. بۇل – ءبىر. ەكىنشى, بالانىڭ جاراتىلىسى, تابيعاتى تىلەيتىن نارسەدەن بالانى تىيۋ دۇرىس ەمەس. جۇگىرۋدەن, ويىننان تىيۋ سىقىلدى. بالانىڭ جاراتىلىسى تىلەيتىن نارسەدەن تىيساڭ, بالا بۇل جاساما ءتارتىپتى وپ-وڭاي بۇرىپ كەتەدى. ياعني بالا وتىرىك ايتۋعا, الداۋعا ۇيرەنەدى. بالانىڭ وتىرىك ايتۋى, الداۋى ونى جاساما ءتارتىپ ىشىنە قاماۋدان. ماڭايىنداعى ءتارتىپ, تۇرمىستىڭ قۇرىلىسى بالانىڭ جاراتىلىسىنا قايشى بولسا, بالا ونداي ءتارتىپتى اتتاپ وتەدى. ءۇشىنشى, تاربيەشى مەن بالانىڭ اراسى وتە جاقىن بولۋعا ءتيىستى. ەكەۋى بىرىنە-ءبىرى شەت, جات دەپ قاراماسىن. ەكەۋىنىڭ اراسىندا سەنبەۋشىلىك بولماسىن. بالا تاربيەشىنى مۇڭىن تارقاتا العانداي, قۋانىشىنا ورتاقتاسا العانداي, سىرىن شەشە العانداي دوسىم دەپ ءبىلسىن. بالا تاربيەشىنى وسىلاي دەپ بىلسە, ول ۋاقىتتا ودان ەشبىر ويىن, ەشبىر ءىسىن جاسىرمايتىن بولادى. جاسىرمايتىن بولسا, وتىرىك ايتۋ, الداۋ سىقىلدى ۇنامسىز ق ۇلىقتارعا ورىن دا قالمايدى», دەيدى ماعجان جۇماباەۆ.