1-3 ماۋسىم ارالىعىندا جاقسىلىق ۇشكەمپىروۆ اتىنداعى جەكپە-جەك سارايىندا وتكەن پاراليمپيادالىق بوچچادان ەل چەمپيوناتى اياقتالدى. جابىلۋ سالتاناتىنا سەنات توراعاسى ماۋلەن اشىمباەۆ قاتىستى, دەپ حابارلايدى Egemen.kz.
سەنات توراعاسى وليمپياداعا قاتىسۋشىلاردى قۇتتىقتاپ, وسى ءۇش كۇندە تارتىستى ويىن كورسەتكەنىن اتاپ ءوتتى.
«جارىسقا قاتىسۋشىلاردىڭ ارقايسىسى وسى چەمپيوناتتىڭ جوعارى دەڭگەيدە وتۋىنە ۇلكەن ۇلەس قوستى جانە ولاردىڭ ءبارى قازىردىڭ وزىندە چەمپيون ەكەنىن دالەلدەدى», دەدى ماۋلەن اشىمباەۆ.
ال قازاقستان بوچچا فەدەراتسياسىنىڭ پرەزيدەنتى سپورتشىلاردىڭ رۋحى بيىك, ەرىك-جىگەرى مىقتى ەكەنىن ايتتى.
بوچچادان قازاقستان چەمپيوناتىنا بارلىق وڭىردەن 47 سپورتشى قاتىستى. جەڭىمپازدار ۇلتتىق قۇراماعا قابىلدانادى جانە پاراليمپيادا, ازيا پاراليمپيادا ويىندارى, چەللەندج سياقتى ءىرى حالىقارالىق دودالاردا قازاقستاننىڭ نامىسىن قورعايتىن بولادى.