ادىلەت مينيسترلىگى رەسپۋبليكالىق نوتارياتتىق پالاتامەن بىرلەسىپ eGov Mobile ءموبيلدى قوسىمشاسىندا «نوتارياتتىق ونلاين كونسۋلتاتسيا» سەرۆيسىن ەنگىزدى, دەپ حابارلايدى Egemen.kz.
قر ادىلەت ۆيتسە-ءمينيسترى بەكبولات مولدابەكوۆتىڭ ايتۋىنشا, سەرۆيس بىلىكتى زاڭگەرلىك كومەككە مۇقتاج ادامدار ءۇشىن ءتيىمدى قۇرال بولماق.
«ونلاين-كەڭەس بەرۋ ارقىلى ازاماتتار ۇيدەن نەمەسە كەڭسەدەن شىقپاي-اق نوتارياتتىق قىزمەتكە بايلانىستى قۇقىقتىق سۇراقتارعا جاۋاپ الا الادى. نوتاريۋستار كەز-كەلگەن سۇراقتارعا جاۋاپ بەرەدى. بۇل ۋاقىتتى ۇنەمدەۋگە جانە ۋاقتىلى سەنىمدى اقپارات الۋعا مۇمكىندىك بەرەدى», دەپ اتاپ ءوتتى ۆيتسە-مينيستر.
جوبانىڭ ماقساتى - نوتارياتتىق قىزمەت كورسەتۋدىڭ ىڭعايلىلىعىن, جەدەلدىگى مەن تيىمدىلىگىن ارتتىرۋ.
قىزمەتتى الۋ ءۇشىن:
1. «eGov Mobile» قوسىمشاسىنا كىرۋ كەرەك;
2. ە-نوتاريات بولىمىندە «ونلاين كەڭەس الۋ» قىزمەت ءتۇرىن تاڭداپ, ءوتىنىمدى تولتىرۋىڭىز قاجەت;
3. كەڭەس الۋ ءۇشىن بەينە قوڭىراۋ ارقىلى قاجەتتى سۇراعىڭىزدى قوياسىز;
4. بانكتەردىڭ ءموبيلدى قوسىمشالارى ارقىلى 1 اەك مولشەرىندە نوتاريۋستىڭ قىزمەتىن تولەۋ كەرەكسىز.