2023 جىلعى 1 ماۋسىمنان باستاپ 1406 ءنومىرى بويىنشا الەۋمەتتىك مەديتسينالىق ساقتاندىرۋ قورىنىڭ بايلانىس ورتالىعى ارقىلى جۇزەگە اسىرىلعان مەديتسينالىق ساقتاندىرۋ جانە مەديتسينالىق كومەك كورسەتۋ ماسەلەلەرى بويىنشا بارلىق كونسۋلتاتسيالاردى 1414 ءنومىرى بويىنشا بىرىڭعاي بايلانىس ورتالىعى ۇسىنادى, دەپ حابارلايدى Egemen.kz «الەۋمەتتىك مەديتسينالىق ساقتاندىرۋ قورى» كەاق ءباسپاسوز قىزمەتىنە سىلتەمە جاساپ.
2023 جىلدىڭ 1 ماۋسىمىنان ءمامس بويىنشا كونسۋلتاتسيالار 1414 ارقىلى بەرىلەدى.
مۇنداي شەشىم حالىققا كونسۋلتاتسيالىق كومەكتىڭ بارىنشا قولجەتىمدىلىگىن قامتاماسىز ەتۋ جانە جوعالعان قوڭىراۋلار ۇلەسىن قىسقارتۋ ماقساتىندا قابىلداندى.
1414 وپەراتورلارى 9:00-دەن 21:00-گە دەيىن كونسۋلتاتيۆتىك سيپاتتاعى سۇراقتار بويىنشا قوڭىراۋلار قابىلدايدى ءارى ولارعا جاۋاپ بەرەدى. ەگەر سۇراقتار-وتىنىشتەر تەرەڭ زەردەلەۋدى قاجەت ەتسە, وندا ولار قور مەن مەديتسينالىق ۇيىمداردىڭ وكىلدەرى وڭدەيتىن ەكىنشى جانە ءۇشىنشى جەلىلەرگە جولدانادى.
بۇل رەتتە Qoldau 24/7 ءموبيلدى قوسىمشاسى, fms.kz رەسمي سايتى نەمەسە Telegram-داعى @SaqtandyrýBot سياقتى قوردىڭ بالامالى بايلانىس ارنالارى جۇمىسىن بۇرىنعىداي جالعاستىرادى. وپەراتوردىڭ جاۋابىن كۇتىپ, ۋاقىت جوعالتقىسى كەلمەيتىن ازاماتتار ءوز سۇراقتارىن سول ارنالارعا جىبەرە الادى.