لوندوننىڭ ICE بيرجاسىنداعى ساۋدا-ساتتىق دەرەكتەرىنە سايكەس, TTF حاب يندەكسى بويىنشا ماۋسىمداعى گاز فيۋچەرستەرى 27,4 ەۋروعا (13 106 تگ) دەيىن ارزاندادى, دەپ حابارلايدى Egemen.kz.
ەۋروپاداعى گازدىڭ قازىرگى باعاسى سوڭعى ەكى جىلداعى ەڭ تومەنگى باعا. رەسەيدەن جەتكىزىلەتىن گازدىڭ توقتاعانىنا قاراماستان, باعا 2022 جىلدىڭ قىركۇيەك ايىنان باستاپ ارزانداي باستاعان. ال وعان دەيىن گاز باعاسى 306,9 ەۋروعا (146 799 تگ) دەيىن ءوسىپ كەتكەن بولاتىن.
ER monitor مالىمەتىنشە, گاز باعاسىنىڭ ارزانداۋىنا قوردىڭ مولايۋى اسەر ەتكەن. ەۋروپادا بيىل قىس جىلى بولعاندىقتان, گاز قويمالارى 64 پايىزعا دەيىن تولعان. ياعني تاپشىلىق جوق.
سونداي-اق ەۋرووداق ەو ەلدەرى ءۇشىن بىرلەسىپ ساتىپ الۋ تەتىگىن ەنگىزگەن. بۇل ءتاسىل وڭ ناتيجە بەرىپ جاتىر.