وزبەكستاننىڭ جيزاق قالاسىندا قازاق كۇرەسىنەن ەرەسەكتەر اراسىندا ازيا چەمپيوناتى ءوتتى. وندا 11 ەلدەن كەلگەن 100-دەن استام سپورتشى باق سىناستى, دەپ حابارلايدى Egemen.kz Qazaq Kuresi اسسوتسياتسياسى ءباسپاسوز قىزمەتىنە سىلتەمە جاساپ.
ءدۇبىرلى دودانىڭ اشىلۋ سالتاناتىندا Qazaq Kuresi اسسوتسياتسياسىنىڭ باس ديرەكتورى ەرلان ەستەك جيزاق تورىندەگى جارىستىڭ ماڭىزىنا توقتالىپ, بالۋاندارعا ساتتىلىك تىلەدى.
«قازاق كۇرەسى – ۇلتتىق سپورت تۇرلەرىنىڭ ىشىندە وزىندىك ورنى بار ءتول كۇرەسىمىز. قازىرگى ۋاقىتتا الەمنىڭ بىرنەشە مەملەكەتىندە قازاق كۇرەسىنەن فەدەراتسيالار قۇرىلىپ, جۇيەلى جۇمىس اتقارىلى جاتىر. وزدەرىڭىزگە بەلگىلى, اسىل كۇرەسىمىز – قازاق كۇرەسىنەن الەم, ازيا جانە ەۋروپا چەمپيوناتتارى وتكىزىلىپ, دامۋدىڭ جاڭا دەڭگەيىنە كوتەرىلدى. مىنە, بۇگىن وزبەكستاندا ەرەسەكتەر اراسىنداعى قازاق كۇرەسىنەن ازيا چەمپيوناتى وتۋدە. بۇل ءىس-شارالاردىڭ بارلىعى بۇقارا حالىق اراسىندا سالاۋاتتى ءومىر سالتىن ناسيحاتتاۋعا, سپورتتىق ءداستۇر مەن ادەت-عۇرىپتاردى ساقتاۋعا وزىندىك زور ۇلەسىن قوسۋدا. اتالعان باعىتتارداعى جۇمىستار الداعى ۋاقىتتا دا ءوز جالعاسىن تابادى», دەدى ەرلان ەستەك.
باسشىنىڭ ايتۋىنشا, قازاق كۇرەسىن كەڭ ناسيحاتتاۋ ماقساتىندا شەتەلدە 50-دەن استام Qazaq Kuresi فەدەراتسياسى جۇمىس ىستەيدى. بۇگىندە ەلىمىزدە وسى سپورت تۇرىمەن 120 مىڭنان استام جاس شۇعىلدانادى. ال ەلىمىزدە جىل سايىن ءتۇرلى دەڭگەيدە 800-دەن استام جارىس وتكىزىلەدى. سونىمەن بىرگە حالىقارالىق دەڭگەيدە ازيا كۋبوگى, ازيا جانە الەم چەمپيوناتتارى سەكىلدى تۋرنيرلەر كوپشىلىكتىڭ كوڭىلىنەن شىعىپ جاتىر.
ءدۇبىرلى دوداعا ەڭ مىقتى سپورتشىلار قاتىستى. ولاردىڭ اراسىندا قازاق كۇرەسىمەن قوسا, باسقا دا كۇرەس تۇرلەرىنەن حالىقارالىق جارىستاردا جۇلدە الىپ جۇرگەن سپورتشىلار بار. ەلىمىزدەگى ۇلتتىق سپورت ءتۇرىن دامىتۋ جانە قولداۋ ماقساتىندا ۇيىمداستىرىلعان كۇرەس باسەكەسى تارتىسقا تولى بولعانى ءسوزسىز.
ال جارىس قورىتىندىسىنا كەلەر بولساق, ەرنۇر سۇلەيمەن (60 كەلى), جۇماجان قوجامبەكوۆ (74 كەلى), مارات بايقامۇروۆ (100 كەلى), نۇرداۋلەت جارىلعاپوۆ (+100 كەلى), ارۋجان اداسحان (52 كەلى), راۋزا نۇرماحامبەتوۆا (56 كەلى), روزا نىسانتايقىزى (70 كەلى), البينا باقيەۆا (+77 كەلى) التىن مەدالعا يە بولدى. داۋلەت نيەتباي (55 كەلى.), ايانا زەينوللاقىزى (48 كەلى) مەن زارينا ساريپوۆا (65 كەلى) ەكىنشى بولسا, ال ايدىن دارتاەۆ (82 كەلى), گ ۇلىم ەلۋباي (60 كەلى), اسىلحان عايساەۆا (66 كەلى) جانە ايالا مەرەكە (77 كەلى) ۇزدىك ۇشتىكتى ەنشىلەدى.
ءسويتىپ, ۇلتتىق قۇراما وكىلدەرى جالپىكوماندالىق ەسەپتە ءبىرىنشى ورىنعا يە بولدى. ەسەپ تومەندەگىدەي: ءى ورىن – قازاقستان (8 التىن, 3 كۇمىس, 4 قولا), ءىى ورىن – وزبەكستان (7 التىن, 4 كۇمىس, 4 قولا), ءىىى ورىن – تاجىكستان (1 التىن, 5 كۇمىس, 1 قولا) الدى.
جارىس بارىسىندا مەرەيى ۇستەم بولعان جەڭىمپازدار مەن جۇلدەگەرلەر ديپلومدارمەن, مەدالدارمەن جانە اقشالاي سەرتيفيكاتپەن ماپاپاتتالدى.