وڭىردە تۇراقتالعان ىستىق, قۇرعاق اۋا رايىنا بايلانىستى شىعىس قازاقستان وبلىسىنىڭ تج دەپارتامەنتى ءورت قاۋىپسىزدىگى ەرەجەلەرىن قاتاڭ ساقتاۋدى ۇسىنادى, دەپ حابارلايدى Egemen.kz.
وڭىردە ءورت قاۋىپتىلىگى كەلەسى ساناتتارعا جىكتەلگەن:
1 سانات: مارقاكول,
3 سانات: وسكەمەن ق.,
4 سانات: ريددەر ق., التاي اۋدانى, ۇلكەن نارىن, كۇرشىم, كاتونقاراعاي اۋداندارى
5 سانات: سامار اۋدانى.
باستاپقى كەزەڭدە جانۋدى جەدەل باقىلاۋ ءۇشىن شقو تجد قىزمەتكەرلەرى كوسمومونيتورينگتى پايدالانادى.
«بۇگىنگى تاڭدا عارىشتىق تەحنولوگيالاردىڭ كومەگىمەن 227 سۋرەت ءتۇسىرىلدى, 73 جىلۋ نۇكتەسى تىركەلىپ, ولار جەدەل پىسىقتالدى. ولاردىڭ نەگىزگى پايىزى ازاماتتاردىڭ ابايسىزدا وتپەن جۇمىس جاساۋىنان جانە قاراپايىم قاۋىپسىزدىك شارالارىن بۇزۋىنا بايلانىستى تۋىنداعان», دەپ اتاپ ءوتتى شقو تجد مەملەكەتتىك ءورت باقىلاۋ باسقارماسى باستىعىنىڭ مىندەتىن ۋاقىتشا اتقارۋشى نۇرجان ءومىرجانوۆ.
شقو تجد حالىققا مىنانى ەسكەرتەدى:
اۋداندارداعى ورتتەردىڭ قاۋىپسىزدىگى مەن الدىن الۋ ماقساتىندا ازاماتتاردىڭ ورمان ايماعىنا بارۋىن شەكتەۋ.
بۇل كەزەڭدە ەش جاعدايدا ءشوپتى ورتەۋگە, ورماندا وت جاعۋعا بولمايدى. بالالارعا وت پەن سىرىڭكەمەن ويناۋدىڭ قاۋىپتىلىگى تۋرالى بارىنشا ءتۇسىندىرۋ. جول بويىندا كەلە جاتقان كەزدە كولىكتەردىڭ تەرەزەلەرىنەن سوندىرىلمەگەن تەمەكى تۇقىلدارىن لاقتىرۋعا جول بەرمەڭىز.
ساياجاي ۋچاسكەلەرىندە:
- العاشقى ءورت ءسوندىرۋ قۇرالدارىنىڭ بولۋى شارت: سۋ قۇيىلعان بوشكە نەمەسە ءورت سوندىرگىش;
- ۇيلەردىڭ جانىنداعى ساياجايلاردىڭ اۋماعىن جيناۋ كەزىندە وت جاعۋعا قاتاڭ تىيىم سالىنادى. رۇقساتسىز وت قويۋ, بىلتىرعى قالدىق شوپتەردى باقىلاۋسىز ورتەگەنى جانە ءورت قاۋىپسىزدىگى ەرەجەلەرىن ساقتاماعانى ءۇشىن قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 336, 410-باپتارى بويىنشا اكىمشىلىك جاۋاپكەرشىلىك كوزدەلگەنىن. پروفيلاكتيكالىق رەيدتەردىڭ ناتيجەسىندە وبلىستا قۇرىلعان ءموبيلدى توپ 31 قۇقىق بۇزۋشىنى انىقتاپ, اكىمشىلىك جاۋاپكەرشىلىككە تارتقان.
ءورتتى بايقاعان بولساڭىز دەرەۋ «101» جانە «112» تەلەفوندارى ارقىلى حابارلاۋ قاجەت.