مەملەكەت باسشىسى قاسىم-جومارت توقاەۆ بۇگىن سولتۇستىك قازاقستان وبلىسىنا جۇمىس ساپارىمەن بارادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«پرەزيدەنت وڭىردەگى كوكتەمگى ەگىس ناۋقانىمەن تانىسىپ, اۋىل شارۋاشىلىعى تاۋارىن وندىرۋشىلەرمەن كەزدەسەدى, سونداي-اق الەۋمەتتىك نىسانداردى ارالاپ كورەدى», دەلىنگەن حابارلامادا.
سونداي-اق پرەزيدەنت 30 مامىر كۇنى اقوردادا بىرقاتار مەملەكەتتىڭ ەلشىلەرىنەن سەنىم گراموتالارىن قابىلدايدى.
قاسىم-جومارت توقاەۆ 2 ماۋسىمدا قىرعىزستاننىڭ شولپان-اتا قالاسىندا وتەتىن ەكىنشى «ورتالىق ازيا – ەۋروپالىق وداق» سامميتىنە قاتىسادى دەپ جوسپارلانىپ وتىر.