ۇكىمەت باسشىسى 1 شىلدەدەن باستاپ مەملەكەتتىك الەۋمەتتىك ساقتاندىرۋ قورىنان تولەنەتىن ەڭبەك ەتۋ قابىلەتىنەن جانە اسىراۋشىسىنان ايىرىلۋىنا بايلانىستى بەرىلەتىن الەۋمەتتىك تولەمدەردىڭ مولشەرى 14,5%-عا ۇلعايتۋ تۋرالى قاۋلىعا قول قويدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«مەملەكەت ازاماتتاردىڭ تابىسىن ارتتىرۋ بويىنشا ءىس-شارالاردى تۇراقتى نەگىزدە قابىلداپ كەلە جاتقانىن ايتا كەتۋ كەرەك. مىسالى, بيىل 1 قاڭتاردان باستاپ رەسپۋبليكاداعى ەڭ تومەنگى ەڭبەكاقى مولشەرى 60 مىڭنان 70 مىڭ تەڭگەگە دەيىن كوبەيدى. بۇل ەكونوميكانىڭ بارلىق سالاسىندا جۇمىس ىستەيتىن 1,8 ميلليونعا جۋىق جالدامالى جۇمىسكەر مەن ەڭبەك ادامىن قامتىدى. ەڭ تومەنگى ايلىق كورسەتكىشى ارقىلى ەڭبەكاقى دەڭگەيىن بەلگىلەيتىن ۇيىمدار بىلىكتىلىكتىڭ سانات ارالىق جۇيەسىن ەسكەرە وتىرىپ, وزگە دە ساناتتاعى جۇمىسشىلاردىڭ ەڭبەكاقىسىن ءوسىرۋ جاعىنا قاراي قايتا قاراستىرادى», دەلىنگەن رەسمي حابارلامادا.
ۇكىمەتتىڭ ءباسپاسوز قىزمەتىنىڭ مالىمەتىنشە, بيىل 4,4 ملن ادام الاتىن زەينەتاقى مەن جاردەماقىنىڭ بارلىق ءتۇرى قايتا ەسەپتەلدى. سونىمەن قاتار ەڭبەك ەتۋ قابىلەتىنەن جانە اسىراۋشىسىنان ايىرىلۋىنا بايلانىستى بەرىلەتىن جاردەماقى 14,5 پايىزعا ارتادى.