استانا قالاسىندا مەملەكەتتىك رامىزدەر كۇنىنە وراي بايگە تۇرلەرىنەن رەسپۋبليكالىق تۋرنير وتەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
سايىستىڭ ۇيىمداستىرۋشىلارى – استانا قالاسىنىڭ اكىمدىگى مەن استانا قالاسىنىڭ ۇلتتىق جانە وليمپيادالىق ات سپورت تۇرلەرىنىڭ فەدەراتسياسى.
بايگەنىڭ «قۇنان», «جورعا», «توپ» جانە «الامان» تۇرلەرىنەن ەلىمىزدىڭ بارلىق وبلىستارى مەن قالالارىنان باعى مەن بابى كەلىسكەن شىن جۇيرىكتەر سىنعا تۇسەدى.
جارىستىڭ جۇلدە قورى 20 ملن تەڭگەنى كۇرايدى.
دودا 4 ماۋسىم كۇنى ساعات 12:00-دە «قازانات» اتشابارىندا باستالادى.