اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا 15-19 مامىر ارالىعىندا تۇركىستان وبلىسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارى قالا تۇرعىندارىمەن كەزدەستى, دەپ حابارلايدى Egemen.kz.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – س.ا.جاڭاباي, م.م.حالىقوۆ, ب.ە.وسپانوۆ, ج.س. راقىمبەرديەۆ تارتىلدى.
راتت مۇشەلەرى سارىاعاش, كەلەس, ماقتاارال, جەتىساي, شاردارا, تولەبي, وتىرار اۋداندارىندا جانە تۇركىستان قالاسىندا «قاپلانبەك جوعارى اگرارلىق-تەحنيكالىق كوللەدجى», «ع.مۇراتباەۆ اتىنداعى گۋمانيتارلىق كوللەدجى», «د.قۇرمانبەك اتىنداعى №20 كوللەدجى», «وڭتۇستىك قازاقستان يندۋستريالدى يننوۆاتسيالىق كوللەدجى», «ا.ياسساۋي كاسىبي كوللەدجى», «تۇركىستان جوعارى مەديتسينالىق كوللەدجى» ستۋدەنتتەرىمەن, مادەنيەت ۇيلەرىندە اقساقالدارمەن, جاستارمەن, جۇمىسسىز ازاماتتارمەن, ورتالىق كىتاپحانالاردا قوعام بەلسەندىلەرى مەن كىتاپحانا قىزمەتكەرلەرىمەن, «يمانبەردى ساتىبالدى» مەشىتى, ورتالىق «نۇعمان» مەشىتى جاماعاتتارىمەن, ىشكى ىستەر پوليتسيا ءبولىمى قىزمەتكەرلەرىمەن كەزدەستى.
وندا وبلىس تۇرعىندارىنا قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى مالىمەت بەرىلدى.
تىڭداۋشىلار راتت مۇشەلەرىنە بىرقاتار سۇراق قويىپ, تۇشىمدى جاۋاپ الدى.