22 مامىردا قوستاناي وبلىسىنىڭ وباعان اۋىلىندا جالپى ءبىلىم بەرەتىن مەكتەپتىڭ ون ءبىرىنشى سىنىپ وقۋشىسى ءوز-وزىنە قول جۇمسادى. وبلىستىق پوليتسيا قىزمەتكەرلەرى بولعان ىسكە قاتىستى تەرگەۋ امالدارى باستالعانىن مالىمدەدى, دەپ حابارلايدى Egemen.kz.
قىزدىڭ دەنەسىن اكەسى تاۋىپ العان.
ەر ادام قالا مەن اۋىل اراسىندا جولاۋشى تاسىمالداۋمەن اينالىساتىنىن ايتتى. ونىڭ ايتۋىنشا, سول كۇنى قالادان قايتىپ كەلە جاتىپ, ءۇيدى ارالاپ, تەرەزەدەن قىزىنىڭ اسىلىپ قالعانىن كورگەن.
اكەسى ونىڭ بىرنەشە كۇن بويى ولارمەن سويلەسپەي, جابىق جۇرگەنىن ايتتى.
بويجەتكەن 22 مامىر كۇنى ۇبت سىناعىنا بارۋى كەرەك ەدى, بىراق بەلگىسىز سەبەپتەرگە بايلانىستى بارماعان.
ءبىلىم باسقارماسى مەكتەپتىڭ 11-سىنىبىندا ءتورت-اق وقۋشى بار ەكەنىن ءتۇسىندىردى. وقۋشىلار اراسىندا ەشقانداي قاقتىعىس بايقالماعان.
«بۇل وقيعاعا قاتىستى ازىرگە ەشقانداي تۇسىنىكتەمە بەرە المايمىز. تەرگەۋ امالدارى جۇرگىزىلىپ جاتىر», دەدى ۇزىنكول اۋدانى اكىمدىگى ءبىلىم ءبولىمىنىڭ باسشىسى قايرات اليەۆ.
ايتا كەتەيىك, ءوز-وزىنە قول جۇمساۋ وقيعاسى بۇل اۋداندا سوڭعى بەس جىلدا ءبىرىنشى رەت بولىپ تۇر.