تۇركىستان وبلىسىندا شومىلۋ ماۋسىمى باستالماي جاتىپ 20 ادام سۋعا كەتكەن. اجال قۇشقانداردىڭ 15-ءى - كامەلەت جاسىنا تولماعان بالالار, دەپ حابارلايدى Egemen.kz «Qazaqstan» ۇلتتىق ارناسىنا سىلتەمە جاساپ.
ءوڭىردىڭ توتەنشە جاعدايلار دەپارتامەنتى 15 بالانىڭ بارلىعى دەرلىك اتا-انا نازارىنان تىس سۋعا تۇسكەندە جازاتايىم وقيعانىڭ قۇربانى بولعانىن ايتادى.
ايتا كەتسەك, شومىلۋ ماۋسىمى اشىلار الدىندا ءار وڭىردە شومىلۋعا ارنالعان ارنايى ورىندار جابدىقتالادى. ول جەرلەر ارنايى قۇتقارۋشىلارمەن قامتاماسىز ەتىلەدى.
ەسكە سالا كەتسەك, وتكەن جىلى وبلىستا 37 ادام سۋعا باتسا, ونىڭ 29-ى بالالار بولعان.