قر پرەمەر-ءمينيسترى ءاليحان سمايىلوۆ دوحا قالاسىندا ءوتىپ جاتقان ءۇشىنشى قاتار ەكونوميكالىق فورۋمىنا قاتىسىپ جاتىر, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
بيىلعى ءىس-شارا جاھاندىق ەكونوميكالىق ءوسۋدىڭ جاڭا مۇمكىندىكتەرىنە ارنالدى. اتاپ ايتقاندا, دامۋشى نارىقتارعا ينۆەستيتسيا سالۋ, جاڭا ەنەرگەتيكاعا كوشۋ, ساۋدا مەن جۇمىسقا جاساندى ينتەللەكتىنى, بلوكچەين جانە باسقا دا تەحنولوگيالاردى ەنگىزۋ سياقتى ماسەلەلەردى تالقىلاۋ جوسپارلانىپ وتىر.
فورۋمعا شەت مەملەكەتتەر مەن ۇكىمەتتەردىڭ, الەمدىك ءىرى كورپوراتسيالاردىڭ باسشىلارى, جاھاندىق ينۆەستورلار, سونداي-اق تىكەلەي ينۆەستيتسيالار سالاسىنداعى جەتەكشى ساراپشىلار مەن تانىمال جۋرناليستەر قاتىسىپ جاتىر.
ءىس-شارا اياسىندا ءاليحان سمايىلوۆ قاتار ءامىرى شەيح ءتاميم بين حاماد ءال تانيمەن جانە پرەمەر-مينيستر – سىرتقى ىستەر ءمينيسترى شەيح مۇحاممەد بين ابدۋراحمان ءال تانيمەن كەزدەسۋلەر وتكىزەدى. سونىمەن قاتار ءىرى كومپانيالار مەن قارجى ۇيىمدارىنىڭ باسشىلارىمەن كەلىسسوزدەر جوسپارلانعان.