قوستاناي دارىگەرلەرى قىزىلوردادا بولعان ءىسساپاردان قايتار جولدا ۇشاقتا جۇرەگى توقتاپ قالعان ايەلدى امان الىپ قالدى, دەپ حابارلايدى Egemen.kz وبلىس اكىمدىگىنىڭ دەنساۋلىق ساقتاۋ باسقارماسىنا سىلتەمە جاساپ.
ۇشۋ كەزىندە جولاۋشىلاردىڭ ءبىرى ءوزىن ناشار سەزىنە باستاعان جانە كەنەتتەن ەسىنەن تانىپ قالىپ, جۇرەگى توقتاپ قالعانى بايقالعان. بارلىق دارىگەرلەر كومەككە كەلدى, ال انەستەزيولوگ-رەانيماتولوگ دارىگەر باقىتجانوۆ ايەلگە قاجەت پروتسەدۋرالاردى جۇرگىزە باستاعان.
ءامىرجان سەرىكباي ۇلىنىڭ مەديتسينالىق بىلىكتىلىگى مەن دارىگەرلەردىڭ ۇيلەسىمدى ءىس-ارەكەتتەرىنىڭ ناتيجەسىندە, جولاۋشى بىرتىندەپ وزىنە كەلگەن. ۇشاق قونعاننان كەيىن ونى استانادان كەلگەن جەدەل جاردەم ماماندارى قابىلداعان.