پرەزيدەنت قىتاي مەن قازاقستان اراسىنداعى ء«بىر جول – ءبىر بەلدەۋ» جوباسىنىڭ جالعاسا بەرەتىنىن ءارى كولىك-لوگيستيكا ينفراقۇرىلىمىن ودان ءارى دامىتۋعا مۇددەلى ەكەنىن ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«كولىك-لوگيستيكا ينفراقۇرىلىمىن دامىتۋىمىز قاجەت. ون جىل بۇرىن استانادا سي تسزينپين مىرزا ء«بىر بەلدەۋ – ءبىر جول» باستاماسىن ۇسىنعان بولاتىن. سودان بەرى وسى اۋقىمدى جوبانىڭ تيىمدىلىگىنە جانە قاجەتتىگىنە بۇكىل الەم كوز جەتكىزدى. بۇل مەگاجوبا ۇلى جىبەك جولىن جاڭعىرتۋ ىسىنە ىقپال ەتتى. سونداي-اق كوپتەگەن ەلدە زاماناۋي كولىك ينفراقۇرىلىمىن سالۋ جۇمىسىن جانداندىردى. قازاقستان – قىتايدىڭ جاقىن كورشىسى ءارى سەنىمدى سەرىكتەسى. سوندىقتان, ء«بىر بەلدەۋ – ءبىر جول» جوباسىنا اتسالىسا بەرەدى», دەدى مەملەكەت باسشىسى.
سونداي-اق قاسىم-جومارت توقاەۆ قازاق-قىتاي اراسىندا تەمىر جول سالۋعا باستاما كوتەردى.
«وسى ورايدا, قازاق-قىتاي شەكاراسىندا ءۇشىنشى تەمىر جول وتكەلىن اشۋ ماڭىزدى قادام بولماق», دەدى پرەزيدەنت.