عىلىم جانە جوعارى ءبىلىم ءمينيسترى ساياسات نۇربەك ءۇش باعىتتا ارنايى جوبا ازىرلەنىپ جاتقانىن مالىمدەدى, دەپ حابارلايدى Egemen.kz.
«قازىرگى تاڭدا 49 جوعارى وقۋ ورنى بار. پەداگوگيكالىق مامانداردى دايارلايتىن ليتسەنزياسى بار بەس وقۋ ورنىمەن بىرلەسىپ, ءۇش باعىتتى قامتيتىن ارنايى جوبا دايىنداپ جاتىرمىز. ءبىرىنشىسى – مازمۇن, ياعني 30 جاڭا وقۋ باعدارلاماسى پىسىقتالادى. ەكىنشىدەن, كادرلاردىڭ اتتەستاتسيالىق كاسىپ ستاندارتىنا قاتىستى ەرەجەلەر قارالىپ جاتىر. سونداي-اق مەملەكەتتىك تاپسىرىس ىشىندە جىلدان جىلعا ءبىز پەدكادرلارعا كۆوتانى كوتەرۋدەمىز. پەداگوگتار كەرەك, قازىرگى تاڭدا مۇعالىم قىزمەتى جوعارى مانساپقا اينالدى. جالاقى دا جاقسى, الەۋمەتتىك مارتەبەسى دە كوتەرىلىپ جاتىر. كەرەكتى شارالار قابىلدانۋدا», دەدى مينيستر ء«بىلىمدى ۇرپاق – ءبىلىمدى ەل» كونفەرەنتسياسىندا.