بىرىككەن ۇلتتار ۇيىمىنىڭ ازىق-ت ۇلىك جانە اۋىلشارۋاشىلىق ۇيىمىنىڭ (فاو) مالىمەتتەرى بويىنشا, ازىق-ت ۇلىك باعاسىنىڭ يندەكسى 2023 جىلدىڭ ساۋىرىندە وتكەن جىلعا قاراعاندا 19,7 پايىز تومەندەگەن, بىراق وتكەن ايعا قاراعاندا 0,6 پايىز وسكەن, دەپ حابارلايدى Egemen.kz.
قانت باعاسىنىڭ يندەكسى 2011 جىلدىڭ قازان ايىنان باستاپ ەڭ جوعارى دەڭگەيگە جەتىپ, 23 پايىز ءوستى. باعانىڭ وسۋىنە ءۇندىستاندا, قىتايدا, تايلاندتا جانە ەۋروپالىق وداقتا قۇرعاق اۋا رايىنىڭ سالدارىنان قانت ءوندىرىسىنىڭ تومەندەۋى سەبەپ.
ەت باعاسىنىڭ يندەكسى 6,1 پايىز تومەندەدى. بۇل ازيا ەلدەرىنىڭ يمپورتتىق ساتىپ الۋلارىنىڭ ارتۋى اياسىندا شوشقا ەتى مەن قۇس ەتىنىڭ قىمباتتاۋىنا, سونداي-اق نەگىزگى ەكسپورتتاۋشى ەلدەردەن جەتكىزىلىمدەردىڭ شەكتەۋلى بولۋىنا بايلانىستى بولدى.
استىق باعاسىنىڭ يندەكسى 19,8 پايىز تومەندەدى. اۆستراليا مەن رەسەيدىڭ ۇلكەن ەكسپورتتىق ۇسىنىسىنىڭ ارقاسىندا بيدايدىڭ الەمدىك باعاسى ارزاندادى.
جۇگەرى باعاسى برازيليادا جالعاسىپ جاتقان ەگىن جيناۋ ناۋقانى جاعدايىندا وڭتۇستىك امەريكا ەلدەرىنىڭ ۇسىنىسىنىڭ وسۋىنە بايلانىستى وتكەن ايعا قاراعاندا 3,2 پايىز تومەندەدى.
وسىمدىك مايلارىنىڭ باعا يندەكسى 45,3 پايىز, ال ءسۇت ونىمدەرى 15,1 پايىز تومەندەدى. بۇل قۇرعاق سۇتكە دەگەن الەمدىك سۇرانىستىڭ تومەندىگى جانە باتىس ەۋروپادان ىرىمشىك جەتكىزىلىمىنىڭ ارتۋى ناتيجەسىندە بولىپ وتىر.
فاو-نىڭ جاڭارتىلعان باعالاۋىنا سايكەس, 2023 جىلى جاھاندىق ءوندىرىس كولەمى 785 ملن توننانى قۇرايدى, بۇل تاريحتاعى ەكىنشى ءوندىرىس رەكوردى بولۋى مۇمكىن جانە بۇل داقىلدار مەن باسقا دا ونىمدەرگە باعانىڭ ودان ءارى تومەندەۋىنە ىقپال ەتەدى.