قازاقستاندا سۋدى ۇنەمدەۋ قوندىرعىسىن شىعاراتىن زاۋىت سالىنادى

اۋىل شارۋاشىلىعى ءمينيسترى ەربول قاراشوكەەۆتىڭ قىتايعا جاساعان جۇمىس ساپارىنىڭ ناتيجەسىندە وسىنداي ۋاعدالاستىققا قول جەتكىزىلدى. ءوندىرىس ورىنى «قورعاس – شىعىس قاقپاسى» ارنايى ەكونوميكالىق ايماعى بولىپ بەكىتىلدى. العاشقى كەزەڭدە كاسىپورىن جىلىنا 400 قوندىرعى شىعارادى دەپ جوسپارلانىپ وتىر. ءمينيستردىڭ ايتۋىنشا, قازاقستاندا 2030 جىلعا دەيىن ينتەنسيۆتى سۋارۋ جۇيەسىن قولداناتىن ەگىستىك اۋماعىن 2,5 ەسە ارتتىرۋ كوزدەلگەن. بۇل شامامەن 750 مىڭ گەكتار جەردى قۇرايدى ال بۇل كورسەتكىشكە قول جەتكىزۋ ءۇشىن قازاقستانعا وزىق تەحنولوگيالار قاجەت.

ء«بىز قىتاي بويىنشا جاڭبىرلاتىپ سۋارۋ جابدىقتارىن شىعاراتىن ەڭ ءىرى كومپانيا بولىپ سانالامىز. وتاندىق ءونىم الەمنىڭ 26 ەلىنە ەكسپورتتالادى. قازاقستاندا اشىلاتىن كاسىپورىننىڭ ارقاسىندا بولاشاقتا ورتالىق ازيا مەن رەسەي نارىعىنا شىعا الامىز دەپ ەسەپتەيمىز. جالپى, قازاقستاندىق اۋىل شارۋاشىلىعى تەحنيكاسى نارىعىندا ساپالى ءونىم شىعارۋ ءۇشىن بارىمىزدى سالۋعا دايىنبىز. ساپار بارىسىندا اۋىل شارۋاشىلىعى سالاسىنداعى ىنتىماقتاستىق تاۋار اينالىمىن ارتتىرۋ مەن وتاندىق اۋىل شارۋاشىلىعى ونىمدەرىن ەكسپورتتاۋ جاعىن دا زەردەلەدى. ماسەلەن, بىلتىر ەكىجاقتى الىس-بەرىس 61 پايىزعا ارتىپ, 900 ميلليون دوللاردان استى. وتاندىق ءونىم ەكسپورتى ەكى ەسە ۇلعايدى. سوندىقتان قازاقستاندىق تاراپ كەلىسسوزدەر بارىسىندا ەكسپورتتاۋشى كومپانيالار مەن ءونىم ءتىزىمىن ۇلعايتۋعا ەرەكشە ءمان بەردى», دەدى جاڭبىرلاتىپ سۋارۋ جۇيەسىن شىعارۋشى كومپانيانىڭ پرەزيدەنتى چجوۋ چجانگو.

وسى تۇستا اۋىل شارۋاشىلىعى ءمينيسترى ارنايى جۇمىس توبى قۇرىلعانىن قوسا حابارلادى.

«بۇگىن جۇمىس توبىن قۇرۋعا كەلىستىك. قازاقستان مەن قىتاي اراسىندا مەملەكەتارالىق كوميتەت بار. سونىڭ ىشىندە اۋىل شارۋاشىلىعىمەن اينالىساتىن ارنايى جۇمىس توبىن قۇرۋ قاجەت دەپ شەشتىك. اتالعان پلاتفورما بارلىق ماسەلەنى جىلدام ءارى جەڭىل شەشۋگە مۇمكىندىك بەرەدى. جالپى كەزدەسۋ جەمىستى بولدى دەپ ويلايمىن», دەپ تۇيىندەدى ول.