جاس جاۋىنگەرگە ارنالعان جوبا

مۇنداي باستامانى قورعانىس مينيسترلىگى اسكەرگە بارۋعا ىنتالاندىرۋ ءۇشىن ويلاپ تاپقان. بۇعان مەملەكەت تاراپىنان قارجى بولىنبەيدى. شىعىندى ۋنيۆەرسيتەتتەر وتەيدى. بىراق بۇل جەڭىلدىك مەملەكەتتىك گرانت بولماعاندىقتان شاكىرتاقى بەرىلمەيدى. سونىڭ وزىندە, تەگىن وقۋ ءۇشىن 15 مىڭ سارباز ارنايى ىرىكتەۋدەن ءوتىپ جاتىر.

– قازىر كومپيۋتەرلىك باع­دار­لا­مامەن ىرىكتەۋ ءوتىپ جاتىر. قورىتىن­دىسى وسى ارقىلى شىعادى. ونىڭ ۇستىنە قورعانىس ءمينيسترىنىڭ بۇي­رى­عىمەن جەكە ارنايى كوميسسيا قۇرىلادى. اسكەري قىزمەتتىڭ ناتيجەسى بويىنشا تەگىن جوعارى ءبىلىم بەرۋ ماسەلەسىن وسى كوميسسياسىنىڭ وكىلدەرى شەشەدى. وسىلايشا, ولار ەڭ ۇزدىكتەرىنە ۇسىنىم بەرەدى, – دەدى قورعانىس مينيس­ترلىگى ءبىلىم جانە عىلىم دەپار­تامەنتى باسشىسىنىڭ ورىنباسارى بەگىم نۇرماحانوۆ.

ۇمىتكەرلەردى ىرىكتەۋ ءتورت ءتۇرلى ادىسپەن جۇزەگە اسىرى­لادى. ياعني سار­بازدىڭ جاۋىن­گەرلىك دايارلىق باعدار­لاماسىن مەڭگەرۋ دەڭگەيى, جەكە ءتارتىبى, جاۋىنگەرلىك كەزەكشىلىگىن ات­قارۋ كەزىندە مىندەتتەردى تولىق ورىنداۋى جانە پسيحولوگيالىق جاي-كۇيى باعالانادى. بۇدان وتكەندەر ۋنيۆەرسيتەت پەن ءبى­لىم بەرۋ باعدارلاماسىن ءوزى تاڭدايدى. اسكەردەن كەيىن ەكى جىل ىشىندە وقۋعا تۇسۋگە مۇم­كىندىك بولادى.

– باستامانى قورعانىس مي­نيسترلىگى بىلتىردان باستاپ قولعا الدى. 2022 جىلى ەلىمىزدەگى جوعارى وقۋ ورىندارىمەن مەموراندۋمعا قول قويىلعان بولاتىن. ءبىرىنشى كەزەكتە وتان الدىنداعى اسكە­ري بورىشىن وتەگەن ازامات­تار ەلىمىزدىڭ كەز كەلگەن جوعا­رى وقۋ ورنىنا ۇلتتىق بىرىڭ­عاي تەستىلەۋسىز, اقىلى نەگىز­دەگى وقۋعا تۇسە الادى. ال سار­بازداردىڭ ىشىندەگى ءبىر جىل بو­يىنا ۇزدىك ناتيجە كورسەتكەندەرى تەگىن وقۋعا تۇسۋگە مۇمكىندىك الادى. ءبىز تۇراقتى تۇردە جىلىنا 3 مىڭعا تارتا ازاماتقا تەگىن وقۋ مۇمكىندىگىن بەرەمىز دەگەن ويدامىز. قازىر جوباعا ەلىمىزدەگى 70-تەن اسا جوعارى وقۋ ورنى قولداۋ ءبىلدىردى. سوندىقتان بۇل باعدارلاما جۇيە­لەنىپ, ءالى دە جالعاسىن تابا­دى دەگەن سەنىمدەمىز. ءبىر ايتا كەتەرلىگى, بۇگىندە اسكەر قاتا­رىنا كەلۋگە ىنتا تانىتىپ جات­قان, اسكە­ري قىزمەتكە دەگەن قىزى­عۋ­شىلىعى تۋعان جاستار قاتارى ارت­قانىن بايقادىق, – دەدى قور­­عانىس مينيسترلىگى تاربيە جانە يدەولوگيالىق جۇمىستار دەپارتامەنتى باستىعىنىڭ ورىنباسارى رۋسلان جانگۋلين.

سونداي-اق قورعانىس مي­نيس­ترلىگى قارجى نارىعىن زەرت­تەۋ اگەنتتىگىمەن بىرلەسە مەمو­ران­دۋمعا قول قويىپ, سارباز­دار­عا كرەديتتىك دەمالىس بەرۋ­دى باس­تادى. بۇل اسكەردەگى ازا­مات­­تاردىڭ تۇتىنۋشىلىق نە­سيە­­لەردى, شاعىن قارىزداردى وتەۋ­دى 13 ايعا كەيىن­گە قالدىرۋ مۇم­كىندىگى. وعان ءوتىنىش بەرۋ ءۇشىن بانككە ساربازدىڭ ءوزى بارۋى مىندەتتى ەمەس. تەك اسكەري بو­لىمدە بورىشىن وتەپ جۇرگەنى تۋرالى سەنىم­حاتتى جاقىن تۋىس­تارىنىڭ بىرىنە بەرسە بولدى. بۇگىندە بۇل يگىلىكتى ەلىمىزدەگى 3,5 مىڭ اس­كەري قىزمەتشى پايدالانىپ ۇلگەرگەن.