بۇگىن, 11 مامىردا اباي اۋدانىنداعى «يگىلىك» تەمىرجول وتكەلى ارالىعىندا يگىلىك-بادام تەمىر جول ۋچاسكەسىندە 18 ۆاگون, ونىڭ ىشىندە 17 بوس ۆاگون ءبىر بۇيىرىنە اۋدارىلىپ قالعان, دەپ حابارلايدى Egemen.kz.
شىمكەنت قالالىق تجد-نىڭ حابارلاۋىنشا, اۋدارىلعان ۆاگوندار جالپى سانى 57 ۆاگوننان تۇراتىن «شىمكەنت-ارىس» باعىتىنداعى №2489 جۇك پويىزىنىڭ قۇرامىندا بولدى.
«وقيعا سالدارىنان اۋە ەلەكتر جەلىلەرىنىڭ 11 تىرەگى ءب ۇلىنىپ, تەمىر جول توسەمىنىڭ ءىشىنارا زاقىمدانۋى ورىن الدى. اتالعان ستانسادا ۆاگونداردىڭ ىستەن شىعۋىنا بايلانىستى «الماتى-ماڭعىستاۋ»باعىتىنداعى №77 جولاۋشىلار پويىزى 1 ساعات 15 مينۋتقا كىدىردى», دەلىنگەن شىمكەنت قالالىق تجد ءباسپاسوز قىزمەتى تاراتقان حابارلامادا.
جوندەۋ-قالپىنا كەلتىرۋ جۇمىستارىنا «قتج ۇك» اق قۇرامىنان 55 ادام جانە 1 قالپىنا كەلتىرۋ پويىزى جۇمىلدىرىلدى.
ۆەدومستۆو وكىلدەرى ەشكىم زارداپ شەكپەگەنىن قوسا حابارلادى.