استانا قالاسى بويىنشا مەملەكەتتىك كىرىستەر دەپارتامەنتى كەدەندىك باقىلاۋدى جۇزەگە اسىرۋ كەزىندە 100 ملن تەڭگەدەن استام سوماعا اقشالاي قاراجاتتى, سونداي-اق 1 قۇيما تازارتىلعان التىندى زاڭسىز اكەتۋ ارەكەتىن انىقتادى, دەپ حابارلايدى Egemen.kz دەپارتامەنتتىڭ ءباسپاسوز قىزمەتىنە سىلتەمە جاساپ.
ماسەلەن, استانا قالاسى بويىنشا ەكونوميكالىق تەرگەۋ دەپارتامەنتىمەن بىرلەسىپ جۇرگىزىلگەن ءىس-شارالاردىڭ ناتيجەسىندە «استانا-انتاليا» اۋە رەيسىن تەكسەرۋ كەزىندە 118 392 اقش دوللارى, 28 750 رۋبل, 92 885 ەۋرو سوماسىندا دەكلاراتسيالانباعان قولما-قول اقشاسى تابىلعان ازامات توقتاتىلدى.
«استانا قالاسى بويىنشا مكد جەكە تۇلعالارعا قازاقستان رەسپۋبليكاسىنان 10 000 اقش دوللارى بالاماسىنان اساتىن سوماداعى قولما-قول شەتەل ۆاليۋتاسىن جانە شەتەل ۆاليۋتاسىنداعى اقشا قۇرالدارىن اكەتۋگە, سونداي-اق تازارتىلعان التىندى اكەتۋگە تىيىم سالىناتىنى تۋرالى ەسكە سالادى. بۇل رەتتە مۇنداي بۇزۋشىلىقتار انىقتالعان كەزدە قازاقستان رەسپۋبليكاسىنىڭ زاڭناماسىنا سايكەس اكىمشىلىك نەمەسە قىلمىستىق جاۋاپكەرشىلىك كوزدەلەدى», دەلىنگەن دەپارتامەنت تاراتقان حابارلامادا.