استانا قالاسىنىڭ اكىمى جەڭىس قاسىمبەك وزىنىڭ Instagram پاراقشاسىندا قۇرىلىسى ۇزاققا سوزىلعان نىسانداردىڭ ۇلەسكەرلەرىمەن كەزدەسكەنىن حابارلادى دەپ جازادى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
ء«بىز ۇزاققا سوزىلعان نىسانداردىڭ قۇرىلىسىن نازاردا ۇستايمىز. «زەرە-2», «ارابي 2 - گرانيتنىي 2», «ميرنىي دوم», «كورگالجينسكي كۆارتال» سەكىلدى قۇرىلىسى ۇزاققا سوزىلعان نىسانداردى ارالاپ شىقتىم. ولاردىڭ ارقايسىسىنىڭ تاريحى ءارتۇرلى, ءوز پاتەرىن 10 جىلداپ كۇتىپ جۇرگەن تۇرعىندار دا بار», دەدى ەلوردا اكىمى.
ونىڭ ايتۋىنشا, كەيبىر نىسانداردىڭ قۇرىلىسى كەستەدەن قالىپ بارادى, ال ەندى ءبىر جەرىندە قۇرىلىس ساپاسى كوڭىلگە مۇلدە قونىمسىز.
«قۇرىلىس سالۋشىلاردىڭ موينىندا جۇمىس قارقىنىن ارتتىرۋ, قۇرىلىس ماۋسىمىن بارىنشا پايدالانۋ, سول سياقتى ساپاعا ەرەكشە كوڭىل ءبولۋ مىندەتتەرى تۇر. جىلۋ بەرۋ ماۋسىمىنا دەيىن نىساندار جىلۋ جۇيەسىنە قوسىلۋى كەرەك. قۇرىلىس سالۋشىلار مۇنى قاتارداعى جاي نىسان رەتىندە قاراستىرماۋى كەرەك, ونىڭ ارتىندا ءوز پاتەرىن جىلدار بويى كۇتىپ جۇرگەن جانداردىڭ تاعدىرى بار», دەدى جەڭىس قاسىمبەك.