ينفلياتسيانى ەسەپتەۋ قۇرالدارى تولىقتى

قازىر تىركەۋشى ماماندار تەكسەرىلەتىن وبەكتىلەردەگى تاۋارلار مەن قىزمەتتەردىڭ باعاسى بويىنشا دەرەكتەردى قاعاز جۋرنالعا جازباشا ەنگىزىپ ءجۇر. ولار اي سا­يىن شامامەن 500-دەن اس­تام تاۋاردىڭ باعاسىن با­قىلايدى. ال ستاتيستيكانى جاڭاشا قالىپپەن ءتۇزۋ جەدەلدىكتى قامتاماسىز ەت­پەك. ۇلتتىق ستاتيستيكا بيۋروسىنىڭ باسشىسى جان­­دوس شايماردانوۆتىڭ سوزىنشە, ءموبيلدى قو­سىم­شا شىعىنداردى وڭتاي­لاندىرۋعا جانە دەرەكتەر ساپاسىن ارتتىرۋعا جول اشادى.

ء«بىز تانىستىرىپ وتىر­عان قوسىمشا باعانى تىركەپ قانا قويماي, ءونىمنىڭ شتريح-كودىن سكانەرلەپ, ءتىپتى ونىڭ سۋرەتىن دە تۇسىرۋگە مۇمكىندىك بەرەدى. سونداي-اق وبەكتىنىڭ ورنا­لاسقان جەرىن راستاپ, دەرەكتەردى ونلاين تارتىپتە جەدەل جىبەرەدى. قوسىمشا جۇمىس ءتارتىبىن جەڭىلدەتىپ, دەرەكتەردى وڭدەۋ مەرزىمىن قىسقارتۋعا مۇمكىندىك بەرەدى», دەيدى.

بۇگىندە بيۋروعا پيلوت­تىق تارتىپتە اپتا سايىن فيسكالدىق وپەراتورلاردان ساتىپ الىنعان تاۋارلار مەن قىزمەتتەر بويىنشا شامامەن 100 ملن جازبا كەلىپ تۇسەدى ەكەن. ونىڭ ىشىنەن تاۋار پوزيتسيالارىنىڭ 53 ءتۇرى بو­يىنشا شامامەن 10 ملن جازبا تالدانادى. وندا بارلىعى 12 مىڭنان استام باقىلاۋ-كاسسالىق ماشيناسىنىڭ دەرەكتەرى ەسكەرىلەدى. دەمەك, جاڭا­شىلدىق تاۋارلار مەن قىز­مەتتەردىڭ باعاسىن تالداۋ مۇمكىندىكتەرىن كەڭەيتىپ وتىر. 

«دەرەكتەردى جيناۋ ادىستەرىنىڭ دالدىگى مەن سەنىمدىلىگىن ۇنەمى ارتتى­رۋعا تىرىسامىز. ەڭ ماڭىز­دى مىندەتتەردىڭ ءبىرى – فيسكالدىق چەكتەر سياقتى بالاما كوزدەردى پايدالانۋ. بۇل ءادىستى بەلگيا, شۆەتسيا, شۆەيتساريا جانە باسقا دا ەۋروپا ەلدەرى قول­دانادى. ءبىز دە وسى جوبا­نى ىسكە اسىرۋعا كىرى­سىپ, حالىقارالىق ۆاليۋتا قورىنىڭ ساراپشىلارىن جۇمىسقا تارتتىق. مالى­مەتتەردى ەسەپتەۋ ءۇشىن فيس­كالدىق اقپارات قارجى مينيسترلىگىندە جينالادى, سودان كەيىن ازىرلەنىپ جاتقان كاتالوگكە سايكەس سۇرىپتالىپ جىكتەلەدى. ساي­كە­سىنشە, چەكتەردەگى تاۋار­لار تىزىمىنەن تۇتى­نۋ­شى قورجىنىنىڭ قۇ­رى­لى­م­ىنداعى ونىم­دەر­دى اجىراتىپ الۋ وڭتايلاندىرىلادى», دەيدى ۇلتتىق ستاتيستيكا بيۋروسى باعا دەپارتامەنتىنىڭ ديرەكتورى قۋانىشبەك جاقىپبەك ۇلى.