قازاقستان قۇراماسى 16 جاسقا دەيىنگىلەر اراسىندا ازيا - تىنىق مۇحيتى ايماعى بويىنشا شىمكەنت قالاسىندا ءوتىپ جاتقان الەم چەمپيوناتىنىڭ ىرىكتەۋ ءتۋرنيرىنىڭ جارتىلاي فينالىنا شىقتى, دەپ حابارلايدى Egemen.kz قازاقستان تەننيس فەدەراتسياسىنا سىلتەمە جاساپ.
جاس قازاقستاندىقتار شيرەك فينالدا تايبەي كومانداسىنان وزدى.
الدىمەن اناستاسيا كرىمكوۆا يۋ نينگ تسايدى تىزە بۇكتىردى - 5:7, 6:3, 7:5. باسەكە تارتىستى ءوتىپ, ەكى جارىم ساعاتقا سوزىلدى.
ال ەكىنشى ويىندا پولينا سلەپتسوۆا لي يا ءچۋدى ويسىراتا جەڭدى - 6:0, 6:2.
ەرتەڭ, 5 مامىردا ياروسلاۆا شۆەدوۆانىڭ شاكىرتتەرى فينالعا شىعۋ ءۇشىن اۋستراليا قۇراماسىمەن كەزدەسەدى. ايتا كەتسەك, ولار گونكونگتى 2:0 ەسەبىمەن ۇتتى.
بۇل رەتتە, ازيا - تىنىق مۇحيت ايماعىنان ۇزدىك ءۇش كوماندا الەم چەمپيوناتىنا جولداما الاتىنىن ايتا كەتۋ كەرەك.